آدينه 30 سرطان|تیر 1396 برابر با 21 جولای 2017

تاجیکستان توزیع ویزا برای بازرگانان افغانستان را محدود کرد



 26 حمل|فروردین 1396

 

ده‌ها تن از بازرگانان و راننده‌های افغانستان از دیروز به این‌سو در اعتراض به ندادن روادید/ویزای بازرگانی برای بازرگانان و راننده‌های افغانستان مرز مشترک بازرگانی افغانستان-تاجیکستان را مسدود کرده‌اند.

آنان می‌گویند، حکومت افغانستان برای 250 رانندۀ تاجیکستانی روادید 6 ماهه می‌دهد، اما حکومت تاجیکستان برای 25 رانندۀ افغانستان‌ تنها ویزای یک ماهه می‌دهد.

به گفتۀ آنان، سفارت تاجیکستان توزیع ویزا برای بازرگانان افغانستان را هم محدود کرده است. آن‌ها هشدار می‌دهند که اگر به مشکل‌شان رسیده‌گی نشود، بندر بازرگانی شیرخان را همچنان بسته‌ نگه می‌دارند.

معترضان می‌افزایند که با بازرگانان و راننده‌های افغانستانی از سوی حکومت تاجیکستان عمل مشابه صورت نمی‌گیرد.

سیدمحمود دانش، سخنگوی والی کندز نیز اعتراض بازرگانان را برحق دانسته می‌گوید که دو روز پیش نامه‌یی به خاطر حل مشکلات بازرگان به ارگان‌های محلی فرستاده‌اند. او می‌گوید، به زودی به این مشکل بازرگانان رسیده‌گی می‌شود.

هرچند تلاش کردیم که دیدگاه سفارت تاجیکستان در افغانستان را نیز داشته باشم، اما موفق به این کار نشدیم.