سه‌شنبه 28 سنبله|شهریور 1396 برابر با 19 سپتمبر 2017

نخستین پیروزی تیم فوتبال 15 سال افغانستان در رقابت‌های آسیای مرکزی



 18 سرطان|تیر 1396

 

تیم ملی فوتبال زیر 15 سال افغانستان در مسابقات فوتبال آسیای مرکزی که به میزبانی تاجیکستان برگزار شده بود، برای نخستین‌ بار قهرمان این رقابت‌ها در تاریخ افغانستان شد.

بر بنیاد معلومات فدراسیون فوتبال افغانستان، تیم ملی فوتبال زیر 15 سال افغانستان در مسابقات با سه بُرد و یک باخت، جام قهرمانی رقابت‌های آسیای مرکزی را بالای سر کشید.

در این مسابقات تیم فوتبال افغانستان روز گذشته در برابر ازبیکستان به میدان رفت و با نتیجۀ 3-2، پیروز میدان شد.

سمیر سمندری، در دقیقۀ ششم، اصغر حسینی، در دقیقۀ هشتم و تمیم میرزاد، در دقیقۀ 63  گول پیروزی را وارد دروازۀ ازبیکستان کردند.

تیم زیر 15 سال افغانستان در دیدار‌های مقابل تاجیکستان و قرغزستان پیروز شد، اما در دیداری برابر ترکمنستان شکست خورد.

در مرحلۀ نخست مسابقات فوتبال آسیای مرکزی به جز ایران، تمام کشورها به شمول افغانستان، تاجیکستان، قرغزستان، ترکمنستان و اوزبیکستان اشتراک کرده‌اند.