سه‌شنبه 21 قوس|آذر 1396 برابر با 12 دسمبر 2017

دکتر عبدالله به روسیه رفت



 10 قوس|آذر 1396

 

دکتر عبدالله عبدالله، رییس اجرایی حکومت وحدت ملی صبح امروز (جمعه) برای اشتراک در نشست سران حکومت‌های عضو سازمان همکاری‌های شانگ‌های به روسیه رفت.

قرار است نشست سران حکومت سازمان همکاری‌های شانگ‌های امروز در شهر سوچی فدراتیف روسیه برگزار شود.

آقای عبدالله که به دعوت دیمیتری میدویدوف، نخست‌وزیر روسیه به این کشور رفته است، با نخست‌وزیران کشورهای اوزبیکستان، قزاقستان، قرغزستان، چین و تاجیکستان دیدار و گفت‌وگو خواهد کرد.
نشست سازمان همکاری‌های شانگ‌های امروز در شهر سوچی روسیه برگزار می‌گردد که در آن نخست‌وزیران کشورهای عضو این سازمان، کشورهای ناظر و همپنان سازمان‌های ناظر بین‌الملل اشتراک خواهند کرد.

افغانستان نیز از کشورهای ناظر در سازمان همکاری‌های شانگ‌های است و در بیشتر نشست‌های این سازمان، اشتراک کرده است.

گفتنی‌ست که رییس جمهور غنی نیز به قصد اشتراک در هفتمین نشست وزرای خارجۀ قلب‌ آسیا که برای دو روز در شهر باکو مرکز آذربایجان برگزار می‌شود، افغانستان را ترک کرده است.