جمعه / ١٣٩٦ / زمری - ٢٧ / ٢٠١٧ کال / آگست - ١٨

پرتګال کې اور لګېدنې ۴۳ تنه وژلي




 ٢٨ غبرګولی ١٣٩٦

 

د پرتګال مرکزي ځنګلونو له تېرې ورځې راهیسې اور اخیستی دی او له کبله یې ۴۳ تنه وژل شوي دي.

په ځنګلونو کې لا هم اوربل دی او د پېښې زیاتره قربانیان هغه موتر چلوونکي دي، چې له ځنګل سره نږدې د سړک پر سر بند پاتې شوي وو.

دا پېښه په پرتګال کې په وروستیو څو لسیزو کې بې سارې ښودل شوې ده.

دغه اور د پدروګائوګراند غرونو کې بل شوی، چې د باد شدت له امله په چټکۍ خپور شوی دی.

د پېښې له امله ۲ تنه تریتم شوي او ۲۰ نور ټپیان دي.