جمعه / ١٣٩٧ / ورۍ - ٣١ / ٢٠١٨ کال / اپریل - ٢٠

غور کې ځانمرګي برید ۱ تنه وژلی او ۶ یې ټپیان کړي




 ٢٢ مرغومی ١٣٩٦

 

د غور د امنیې قوماندانۍ د امنیت امر ضاالدین ثاقب سلام وطندار ته وویل چې دا پېښه نن غرمه د فېروزکوه د لویدیځې څنډې په یو کور کې شوې چې یو تن یې وژلی او ۶ نور یې ټپیان کړي‌دي.

د ښاغلي ثاقب په خبر، تر اوسه د ځانمرګي برید موخه نه‌ده څرګنده.

د غور د امنیت امر همداراز زیاته کړه چې وژل شوی او ټپيان ټول د یوې کورنۍ غړي دي.

له بلې‌خوا د د غور د ولایتي روغتون رییس جمعه‌ګل یعقوبي وايي چې په پېښه کې یو ماشوم وژل شوی او ۶ تنه ټپيان شوي چې په ټپيانو کې ۳ ښځې او ۳ ماشومان دي.

د ښاغلي یعقوبي په باور، په ټپيانو کې د یو هغه روغتیايي حالت سخت ښودل شوی‌دی.

تر اوسه هېڅ وسله‌والې ډلې یا چا د دې پېښې د مسوولیت په تړاو رسنیو ته څه نه‌دي ویلي.