يک‌شنبه 1396 - ییل 28 - سَنجه‌م|عقرب / 2017 - نومبر 19 گه توغری

یخشی فوتبالچی تانیلیش سونگی لحظه‌لری؛ رونالدو، مسی یا گریزمن؟




 ٢٠ موزلم|جدی ١٣٩٥

 

خلق ارا فوتبال فدراسیونی «فیفا» اینگ یخشی فوتبالچی‌لر ییل‌لیک لیستینی معلوم قیلدی و فوتبال مخلص‌لری کوتیشی‌گه یره‌شه پرتگاللیک کریستیانو رونالدو، ارژنتین‌لیک لیونل میسی و فرانسه‌لیک انتونی گریزمن‌ بوییل‌گی ایتکچی نامزدلردن دیب معلوم قیلینگن.

خلق ارا فوتبال فدراسیونی نینگ رسمی صحیفه‌سیده ترقه‌تیلگن معلوماتگه کوره، بوکیچه افغانستان وقتی بیلن ساعت 10 ده سویس نینگ زیوریخ شهریده بولیب اوته‌دیگن احتفالده اینگ یخشی فوتبالچی عیال، ییل نینگ اینگ یخشی گولی، ییل نینگ اینگ یخشی ایرکک و عیال ترینریگه مکافات بیریله‌دی.

1956- میلادی ییلدن حاضرگه قدر آلتین توپ مکافاتی اینگ یخشی فوتبالچی‌لرگه بیریله‌دی، 6 ییلدن بویان فوتبال فدراسیونی اونگه حصه آلماقده، بیراق آلتین توپ فرانس فوتبال مجله‌سی و خلق ارا فوتبال فدراسیونی (فیفا) نینگ یوللرینی اجره‌لیب، هرییل ایکی‌سی هم اینگ یخشی فوتبالچی‌لرگه آلتین توپ اهدا قیلیب کیلماقده. بیراق فیفا خلق ارا فدراسیونی ایلک‌بار اینگ یخشی فوتبالچی‌گه کومیش توپینی اهدا قیله‌دی.