شنبه 1396 - ییل 5 - ایکیم|حمل / 2017 - مارچ 25 گه توغری

موسی شفیق توغیلگن‌لیگی نینگ 90- ییلی‌گه بغشلب خلق ارا علمی سمینار اوتکزیلدی




 ٢١ موزلم|جدی ١٣٩٥

 

بوگون (سه‌شنبه) تشقی ایشلر وزیرلیگی صالونیده جمهور رییس محمداشرف غنی و قطار دولت رسمیلری اشتراکیده مذکور سمینار آلیندی.

جمهور رییس غنی، شهید داکتر محمدموسی شفیق نینگ شخصیتی و دنیاقره‌شیگه اشاره قیلیب، او قشاق بیر عایله همده قیشلاق باله‌سی بولیشی‌گه قره‌مسدن؛ اوز استعدادی و تشبثی بیلن تحصیل آلیب، ظاهر شاه نینگ صدر اعظمی ایتیب تعین‌لنگن لیگینی اورغله‌دی.

اوشبو سمینارده ظاهرشاه نینگ بیلیمدان صدر اعظمی داکتر محمدموسی شفیق حیاتی و سیاسی دنیا قره‌شی اوستیده صحبت‌لر قیلیندی. سوزگه چیقیش قیلگن مملکت جمهور رییسی محمداشرف غنی نینگ ایتیشیچه، موسی شفیق نینگ سیاسی توشینچه‌سی و دنیا قره‌شی قنچه اوستون ایکن‌لیگی، اونینگ هلمند سووونی ایرانگه معاهده اوله راق بیتیمی‌گه قول قویشی مملکت اقتصادینی اوستیریش و قوشنی اولکه‌لر رابطه‌سی یخشی لنیشی‌گه قویگنلیگینی تیلگه آلدی.

جمهور رییس‌گه کوره، موسی شفیق ایران و پاکستان بیلن تشقی سیاست اوستیده کتته تآثیر قالدیرگن و ایران مملکتی بیلن معاهدگه قول قویشی افغان اولکه داشلری منفعتی‌ده بولگن.

ایران و افغانستان اورته‌سیده قول قویلگن سوو شرطنامه‌سی افغانستان حکومتی سیاستی آچیق‌لیگی، خلق تینچ‌لیگینی تیلش و سوداگرلیک اوسیشنی ایسته شیمیزنی کورسته‌دی دیگن غنی.

شونینگدیک تشقی ایشلر وزیرلی صلاح‌الدین ربانی هم مذکور سمینارده موسی شفیق‌نی اوزیدن قالدیرگن سیاسی و دیپلوماسی ایشلری و اونینگ سیاستی اوتمیش بیر قرنده تکرار بولمه‌گن‌لیگینی تیلگه آلدی.

جناب ربانی‌گه کوره، موسی شفیق 1343- ییل افغانستان اساسی قانونینی توزه‌تیشگه کتته حصه آلگن.

موسی شفیق مصرالازهر بیلیم یورتیدن اعلی درجه ده تحصیل کوریب اوندن سونگ امیریکه کلمبیا بیلیم یورتیده یول تاپگن.

او، دری و پشتو تیللری یانیده، عربچه، انگلیسچه و اردو تیللریده روان اوقیش و یازیشگه قادر بولگن. موسی شفیق افغان دیپلماتی اوله راق، دری- پشتو وعربچه تیللریده نثر و نظم اثرلر یره‌تگن.

ظاهرشاه نینگ اساسی قانون دهه سی‌ده‌گی سونگی صدر اعظمی محمد موسی شفیق نینگ 1979-ییل کمونیست‌لر قماققه تشلب، ایران بیلن هلمندنینگ سوو معاهده بتیمی‌گه قول قوییب افغانلرگه ضرر ایتکزدی دیگن عیبی بیلن یاشیرینچ شکلده اعدام قیلیندی.