يک‌شنبه 1396 - ییل 7 - ایگیز|جوزا / 2017 - می 28 گه توغری

حجابی بولمه‌گن محصللرنی هرات بیلیم یورتیگه کیریشی منع ایتیلدی




 ٢٢ موزلم|جدی ١٣٩٥

 

افغانستان غربیده جایلشگن هرات بیلیم یورتی نینگ مسووللری، دنیا بویلب بوتون بیلیم یورتلر فکری، اخلاقی، انسانی قدریتلر، علمی و تاریخی اوزگریش آلیب کیلیش مرکزی؛ لیکن بو اوزگریشلر اسلامی دینی قدریتلریگه ماس بولیشی کیره‌ک دیگنلر.

رسمیلر، هرات بیلیم یورتیده محصللر تامانیدن اسلامی حجاب مساله‌سی نظرده توتیلمه‌گن لیگی توغریسیده شکایتلر اوج آلگندن سونگ بو اداره بوندن بویان اسلامی حجابنی انابتگه آلمیدیگن طلبه‌لرنی بیلیم یورتگه کیریش اوچون رخصت بیرمس لیگی خصوصیده قرار آلینگن دیگنلر.

هرات بیلیم یورتی علمی مساله‌لر بوییچه اداره‌نینگ اورین باسری حسن فرید، بوندن سونگ بیلیم یورت ایچیده حجاب سیزلیگ قبول قیلینمیدیگن بیر مساله دیگن.

شونینگدیک اسلامی حجابنی نظرده توتمه‌گن محصللر صنف چیقاریله‌دی دیگن جناب حسن فرید.

لیکن، بیلم یورت محصللری‌نینگ بو توغریده‌گی فکری فرقلی. بیر قنچه محصل بو لایحه‌نی خوش قرشیله‌سه – ده اما بیر قطار طالبه‌لر بیلیم یورت مسووللرینی بو آلگن قراری کولگیلی بیر ایش دیگنلر.

بیلیم یورت رسمیلری، محصللرنینگ قابلیتی آشیریلیشی اوچون ینگی برنامه‌لر ایشلب چیقیش اورنیده اینگ ساده موضوعلر اوستیده فکر قیله‌دی دیگن ایریم طلبه‌لر.

هرات ولایتیده‌گی بیر قطار دین ایشلری بوییچه متخصصلر، یاشلر دموکراسی توغریسیده ییترلی معلوماتگه ایگه بولمسدن ینه اسلامی قدریتلرنی انابتگه آلمی غرب خلقی کییمینی تقلدیب قیلیب جمعیت‌ده کورینشی هیچ بیر شرایطده اسلام قدریتلریگه تینگ ایمس دیگنلر.