دوشنبه 1395 - ییل 2 - حوت|کیسیم / 2017 - فبروری 20 گه توغری

بیر کونده 40 قربان 90 یره‌له‌نیش، کیم عیبدار؟




 ٢٢ موزلم|جدی ١٣٩٥

 

اوتگن کون ایرتلب هلمند بیر پارتلش گواهی بولگندی. بو حادثه ولایت قوم یاش اولوغلریدن بیری‌نینگ اوییده یوز بیرگن ایدی. اوشبو پارتلشده 7 انسان قربان بولیب و تورت کیشی جراحتلنگندی.

بو حادثه‌دن نیچه ساعت اوتیشی بیلن آق کابل نینگ دارالامان عمومی یولیده قانلی هجوم اویوشتیریلدی. هجومده ملی امنیت خادملری‌نینگ موتری نشانگه آلینگن. بو هجوم هم 25 کیشی نینگ حیاتیگه نقطه قویدی. اوشبو حادثه‌ده هم 70 انسان آغیر – یینگیل یره‌لندی. لیکن بو ایش نینگ آخیری ایمس. نهایت ساعت ییتی اطرافیده قندهار ولایت والیسی نینگ مهمانخانه‌سیده پارتلش صادر بولدی. ولایت والیسی و بیرلشگن عرب امیرلیگی نینگ ایلچیسی بیلن ملاقاتده بولگن پیتده صادر بولگن پارتلشده 12 کیشی حیاتدن کوز یومیب و 14 کیشی یره‌لندی.

نماینده‌لر مجلسی بوگونکه فوق العاده ییغینده امنیتی رسمیلرنی تفاوت سیزلیککه عیبله گنلر. مجلس‌نینگ اعضاسی وگمه صافی دیکتاتورلیک تیزیمی اعلان قیلینیب، ایچکریدن توریب ترورچیلرگه همکارلیک قیله‌دیگنلر تانیلیب جزاله‌نیشی لازم دیگن. او، بو حادثه‌لرده دولت بلند مرتبه‌لی رسمیلری‌نینگ قولی بارلیگینی رد قیلیش نا ممکن دیگن.

نماینده‌لر مجلسی نینگ ینه بیر اعضاسی مجیب‌الرحمان ثمکنی، امنیتی بلند مرتبه‌لی مسووللرنینگ مجلسگه کیلیشی اوچون دارالالمان یولی نینگ امنیتی تامین بولگن ایدی، اما اوشبو امنیتی رسمیلر مجلسدن کیتیشی بیلن هجوم عملگه آشیریلدی یگن. کورینیشیچه، اوشبو امنیتی رسمیلرنینگ حادثه ده قولی بولیشی ممکن دیدی جناب ثمکنی.

هجومچیلر بیر کونده کابل، هملند و قندهار ولایتلریده قنده‌ی قیلیب اوچ حمله‌نی صادر قیلیشده موفق بولگنلر؟

 حربی تحلیلچیلر فساد، خویش‌خورلیک، زوروان شخصلرنی اره‌له‌شیشی، کشفی و معلوماتی اداره لرده قانونی تطبیق ایتیلمس‌لیگی بونده‌ی حادثه‌لرنینگ یوز بیریشنی بیرینچی عاملی حسابلنه‌دی دیگنلر.  کشفی و معلوماتی اداره‌لرگه اصلاحات کیریتیلمه‌گن حالده، امنیتی وضعیت بوندن هم کوره یامان بولیشی امکاندن اوزاق ایمس دیدی تحلیلچیلر.

حربی تحلیلچی سیلاب وزیری، حکومت کشفی و معلوماتی  اداره‌لر نینگ فساد، خویش‌خورلیک و سلیقه‌وی احوالدن چیقارمه‌گن حالده، مملکت نینگ وضعیتی کون ساین یامان بولیشی انیق دیگن.

 باشقه بیر حربی تحلیلچی کابل‌خان تدبیر، کشفی و معلوماتی اداره‌لرده صلاحیت یوق لیگی، زوروانلر اره‌له‌شیشی و فساد موجودلیگی باعث مذکور اداره‌لر ترورچیلر پلانینی بیکار قیلیشده عاجز قالگنلر دیگن.

کشفی و معلوماتی اداره‌لرگه لازم درجه‌ده صلاحیتگه ایگه بولمه گونگه قدر مملکت خوفسیزلیک وضعیتی یخشی لشمیدی دیگن جناب تدبیر.  بو تحلیلچیلر، ترورچیلیک فعالیتلر میزانی آشیشی مملکت خلقی قاچیشی، حکومتگه نسبتن ایشانچ سیزلیک و حکومت و اهالی اورته‌سیده کوپراق فاصله وجودگه کیلیشی‌گه زمینه یره‌ته‌دی دیدیلر.

« نیمه اوچون تیرورچیلر تامانیدن آسان نشانگه آلینه‌میز؟» عنوانی آستیده فیس‌بوک صحیفه‌سیگه یازگن مملکت سابق ملی امنیت باشلیغی امرالله صالح، امنیتی اداره‌لرنینگ رهبریتی کونده‌لیک ایش بیلن بندلر ترورچیلیک حاثده‌لر توغریسیده جواب بیریش امنیتی رسمیلرنینگ تکراری ایشلریگه ایلنگن دیگن.