چهارشنبه 1396 - ییل 1 - تیریم|سنبله / 2017 - آگست 23 گه توغری

تاجمینه: مجبوری محنت بوتون آرزولریمنی توپراق بیلن بیردیک قیلدی




 ١٠ حوت|کیسیم ١٣٩٥

 

« بیردن – بیر آرزوم بار؛ بو آرزو ایسه کونی کیلیب بو لعنتی ایش‌دن خلاص بولیب، درس اوقیش» بو 12 یاشر تاجمینه نینگ دِل دردی ایدی. او، اوزاق ییللردن بیری خانه‌دانی نینگ اعضاسی بیلن خشت پیشیریش کوره‌ده آغیر محنت بیلن شغللنه‌دی. اونینگ عایله‌سی ننگرهار ولایتی سرخرود تومنی‌ده بو مُشقت ایش‌گه بیریلگن.

تاجمینه قیش نینگ قهره‌تان ساووغی‌ده آته‌سی، بوبه‌سی، ایکّی سینگلیسی و کیچیک اوکه‌سی بیلن ایرته‌لب‌دن کیچگچه خشت پیشتریش کوره‌ده آغیر ایش قیلیش بیلن شغللنهنیشنی ایته‌دی. پول سیزلیک اوچون داکتر باره‌آلمه‌ی آغیر دردنی هم چیده‌ب یورگن بو قیز.

تاجمینه نینگ اوکه‌سی منصف، ناچارلیک‌دن بو ایش‌گه بیریلگنلیکلری سبب بوتون آرزو ایستکلرینی توپراققه کومگن لیکلرینی حکایه قیله‌دی. منصف، اوز ایشی بیلن مشغول بولیشی‌گه قره‌مه‌ی، کونگلی ایسته مکتب‌ده.

بو قیزنینگ عیاله‌سی، نیچه آیلردن بیری ایت (گوشت) مزه‌سینی تاتمه‌گنلیکلرینی ایته‌دی.

سرخرودده خشت پیشیریش ایشی بیلن شغلله‌نیب کیله دیگنلرنینگ سوزلریگه کوره، کوره‌لرنینگ ایگه‌سی بو ییرده آغیر محنت بیلن ایش قیله دیگنلرگه فقط کهنه و ایسکیریب کیتگن یشش اویلرنی اختیارگه قویگن. بولر ایسه مذکور اویلرده حیات کیچیریش مقابلی‌ده کونده بیر مینگ خشت قالیپ اوریب  بیره‌دیلر.

بیر قولی ناگران تاجمینه نینگ آته‌سی غالب نینگ ایتیشیچه، اون ییل‌دن بیری خشت پیشیره‌دی. لیکن، هنوزگچه هم کوره‌نینگ ایگه‌سیدن 95 مینگ کلدار قرضینی اوزیش‌گه کوچی ییتمه‌گن.

او، خشت پیشیریش کوره‌لرنینگ ایگه‌سی بیر کون ایش مقابلی‌ده فقط قرضزیمیزدن 30 کلدار قیتره‌دی دیدی.

تاج مینگ نینگ آته‌سی، باله‌لرینی مکتب‌گه بیره آلمه‌گن لیک‌دن اوزینی بیچاره حس ایتیشی‌نی تیل‌گه آلگن.

تیریکچیک نینگ آغیر کونلریدن شکایت قیلگن غالب نینگ آنه‌سی ایسه ییگولیک اوچون آزدیق آوقت و کییش اوچون کییم – کیچیک یوق دییه نالیدی.

سرخرود ده گی خشت پیشیریش کوره‌لرده خاتینلر، ایرککلر و بلاغت‌گه ییتمه‌گنلر ایش قیله‌دی.

بعضی بیر معلوماتلرگه قره‌گنده سرخرود تومنی‌ده 100 گه یقین خشت پیشریش کوره فعالیت قیله‌دی. بو ییرده 1.5 خانه‌دان آغیر احوال‌ده ایش‌گه بیریلگن. بیراق، خشت تشله‌یدیگنلرنینگ کوپینچه‌سی گروهی شکل‌ده ایش قیله‌دی. بو کوره نینگ ایگه‌لری اوشبو خانه‌دانلرنی گروگه آلیب بولرنی آغیر ایشلرگه بیریشی ایتیله‌دی.

بو ییرده ایش بیلن مشغول کیشی نینگ ایتیشچیه، دولت تامانیدن ایش زمینه‌سی یره‌تیب بیریلمه‌گن‌لیگی اوچون بونده‌ی وضعیت‌ده آغیر ایش‌گه بیریلگنلر. تیریک قالیش اوچون خشت پیشیریش کوره‌لر ایگه‌سی‌گه گرو بولگنلرینی ایته‌دی محنتچیلر.

تاجمینه‌دن تشقردی شاکرالله هم سرخرود تومنده‌گی خشت پیشریش کوره ده آغیر ایش‌گه بیریلگن لیگینی ایته‌دی. 20 یاشر بلاغت‌گه ییتگن بو یاش ایسه عمری‌نینگ کتّه قسمینی منه شو ییرده اوتکزلیگینی تیل‌گه آله‌دی. یاغینگرچیلیک کونلری کره ده خشت پیشریش اوته مشقتلی کیچه‌دی دیگن شاکرالله.

 شاکرالله، عایله‌لر شرطنامه‌نینگ وقتی تولمس‌دن آلدین بو ایش‌نی ترک قیلیشنی ایسته‌گن حالده، بوتون قرضلری، ایش جریانی‌ده بوزیلگن خشتلر اوچون تاوان تولش، اوی کراسی و برق پولینی تولش‌دن علاوه و قالیپ اورگن خشتلری هم یریم حساب بوله‌دی دیگن. اونینگ ایتیشیچه، خشت پیشریش کوره‌لری‌نینگ ایگه‌لری رادیو تینگلش حتی تلویزیون برنامه‌لرینی کوریش اوچون هم رخصت بیرمه‌یدی.

ایشلاوچیلرنینگ بو  قبیل سوزلرنی رد قیلگن خشت پیریش کوره‌لرنینگ ایگه‌لریگه کوره، هر بیر خانه‌دان قرضی‌نی بوتونله‌ی خلاص قیلگن‌دن کیین ایسته‌گن پیت‌ده اوشبو کوره‌نی ترک قیلیشی ممکن.

خشت پیریش کوره‌نینگ ایگه‌سی مسافرخان نینگ سوزلریگه قره‌گنده، هر بیر ایشلاوچی‌دن مینگ‌ته خشتنی 530 کلدار ساتیب آله دیلر، بو پول بیلن روزغار اوتکزیشی قیین بولگن عیاله‌لر کوپراق ایشلش‌گه مجبورلر.

مذکور کوره‌لرده چمه‌سی 2 مینگ بلاغت‌گه ییتمه‌گن گودک ایش قانونی‌گه ضد یامان وضعیت‌ده ایش بیلن شغللنه‌دیلر.

ننگرهار ایش و اجمتاعی ایشلر اداره‌سی و باله‌لرنی سقلش ترماغی نینگ رییسی عبدالحکیم شیرزاد نینگ سلام‌وطندارگه، خشت پیشیریش کوره‌لرده ایش بیلن شغللنه دیگن عایله‌لرنینگ سانی دایم اوزگریب توره‌دی شونینگ اوچون بو توغریده انیق معلومات بیریش ممکن ایمس دیگن.

جناب شیرزاد، ایشلاوچلر اینیقسه خشت قالیپ اوره دیگنلرنینگ قیین چیلیگی برطرف ایتلیشی اوچون نیچه مرته جحت تیارله گنلر، لیکن کوره‌لرنینگ ایگه‌سی مذکور حجت‌گه قول قوییش‌گه حاضر بولمه‌گن دیدی.

ننگرهار معارف اداره‌سی نینگ سوزلاوچیسی محمد آصف شینواری، یونسف اداره‌سی همکارلیگی بیلن ولایت نینگ سرخرود تومنیده کوره‌لرده ایش بیلن شغللنه دیگن 19 محل‌ده مکتب قوریب بیریش انابت‌گه آلگن دیدی.

اوشبو مکتبلرده دستلب اوچینچی صنفگچه درس بیریلیشی ریجه‌لنتیریلگن دیگن جناب شینواری. بو لایحه عمل‌گه آشیریلگن حالده، اوشبو مکتبلرده تعلیم کورگن اوقووچیلر تورتینچی صنف‌دن کیین دولت مکتبلریگه قبول بوله‌دی دیگن.

مملکت شرقیده‌گی انسان حق و حقوقلری ولایتی کمیسیون نینگ باشلیغی صبرینا حمیدی، بو ییرده‌گی خانه‌دانلر انیق له‌نیشی اوچون سوراو اوتکزیش باشلنگن دیدی.

فقط ننگرهارولایتی‌ده بلاغت‌گه ییتمه‌گن گودکلر ینه خاتین – قیزلر آغیر ایش بیلن شغللنیب کیلمه‌ی بل، مملکت نینگ باشقه ولایتلریده هم بو احوال کوزه تیلگن. اقتصاد یامانلیگی سبب بو قطار خانه‌دانلرنینگ سانی کوندن کونگه آرتیب باریشی ساحه نینگ متخصصلری تامانیدن تیل‌گه آلینه‌دی.