چهارشنبه 1396 - ییل 7 - بیشیم|سرطان / 2017 - جون 28 گه توغری

عالی تحصیلات وزیرلیگی: کیچکی پیت بیلیم یورتی‌گه توله‌نیله‌دیگن آیلیک هنوز نهایی ایمس




 ٢٠ ایکیم|حمل ١٣٩٦

 

افغانستان عالی تحصیلات وزیرلیگی نینگ مسووللری، دولت نینگ کیچکی بیلیم یورتلریده تحصیل آله‌دیگن طلبه‌لری‌نینگ تویله‌دیگن آیلیگی آشیریلیشی توغریسیده‌گی قانون عدلیه وزیرلیگی‌گه یوباریلگن دیدیلر. رسمیلرنینگ ایتیشیچه، مذکور لایحه نهایی ایمس؛ بو توغریده‌گی سونگی قرارنی حکومت کابینه‌سی آله‌دی.

بوندن آلدین دولت نینگ خادمی بولمیش محصللر 1500 افغانی و باشقه طلبه‌لر ایسه 3000 افغانی عالی تحصیلات وزیرلیگی‌گه توله‌ردیلر. ینگی لایحه اساسیده عالی تحصلات وزیرلیگی دولت خادملری 5000 مینگ و باشقه محصللر ایسه 7000 افغانی توله‌شیشی باره‌سیده قرار قبول قیلگن.

عالی تحصیلات وزیرلیگی نینگ سوزلاوچیسی فیصل امین سلام وطندار ترماغی‌گه بیرگن صحبتده، اورگه‌تیش لایحه‌نینگ اوز آیاغیگه توریشی اوچون بو برنامه‌‌نی نظرده توتگن‌لیکلرینی بیلدیردی. اونینگ تعبیریچه، عالی تحصیلات وزیرلیگی حق‌الزحمه استادلرنینگ آیلیگی اوچون بو لایحه‌نی انابت‌گه آلگنلر

اوتگن کون کابل بیلیم یورتی کیچکی بولیمی نینگ بیر قنچه محصللری توله‌یدیگن آیلیگلری کوپیتیریلگن‌لیگی‌گه قرشی اعتراض بیلدیریب نمایش اوتکزگن ایدی. اولر، وزیرلر کینگشی‌دن بو لایحه‌نی تصدیق ایمسلیکنی طلب قیلگن.