چهارشنبه 1396 - ییل 6 - اوسیم|ثور / 2017 - اپریل 26 گه توغری

ینه هم ایسکی مهره‌لر؛ نیمه اوچون؟




 ٣١ ایکیم|حمل ١٣٩٦

 

دولت اداره‌لرگه قیته‌دن ایش‌گه بولمس و فسادگه باتگن کیشیلرنینگ وظیفه لنتیریلیشی فساد آشیشی و حکومت نینگ کوپراق ناکام لیگیگه باعث بوله دی.

افغانستان جمهور رییسی محمد اشرف‌غنی چهارشنبه‌دن پنج‌شبنه‌گه اوتر کیچه‌سی ایری – ایری فرمان و حکملر اساسیده فاروق وردک‌نی دولت نینگ پارلمانی ایشلری بوییچه وزیری، سابق دولت نینگ پارلمان ایشلر بوییچه وزیری غلام‌نبی فراهی‌نی ینگیدن تاسیس بولگن دولت نینگ توریزم وزیرلیگی، ملی خوفسیزلیک کینگشی نینگ سابق مصلحتچیسی فیض‌الله ذکی‌نی ایش واجتماعی مساله‌لر بوییچه وزیری و عالی تینچلیک کینگشی نینگ سابق اورین  باسری عبدالکریم خدام‌نی سمنگان والیسی صفتیده تصدیق له‌دی.

هلی قطار سیاسی تحلیلچیلر و مدنی فعاللرگه کوره، مملکت جمهور رییسی تامانیدن مذکور لوازملرگه تانیشتیریلگن شخصلرنینگ بعضیلری کینگ کولمده اداری فسادگه قولی بارلیک‌که عیبلنگن دیدیلر.

25میلیون افغانی‌نی اوغیرله‌گن لیکده عیبلنگن فاروق وردک‌که اشاره قیلگن شخصلرنینگ ایتیشیچه، بونده‌ی شخصلرنینگ حکومت ادارلریگه ایش‌گه آلینیشی قیته‌دن فسادگه شرایط یره‌تیلیب حکومت نینگ ناکام لیگی‌گه سبب بوله‌دی دیگنلر.

سلام‌وطندارگه صحبت بیرگن سیاسی تحلیلچی فردوس کاوش، ینگیدن ایش‌گه آلینیشلرگه قره‌گنده افغانستان‌ده فقط معیین تیوره‌ککه تیگیشلی نیچه یوز کیشی حکومت‌گه نینگ لوازملریگه وظیفه لنتیریله‌دی و خلاص دیگن. ینگیدن تانیشتیریلگن شخصلر ایچیده ییریک فسادگه قولی بار شخصلرهم موجود دیدی جناب کاوش.

کاوش، جمهور رییس غنی سیلاولر کمپاین جریاینده سابق کابینه نینگ اعضالریدن هیچ بیریسنی ینگی کابینه گه آلمسلیگی خصوصیده وعده بیرگن ایدی، اما حاضر ایسه غنی اوزی اوشبو وعده‌سیگه عمل قیلمه‌دی دیگن.

مدنی فعال هاروون معترف، جمهور رییس نینگ کیشیلرنی ینگیدن ایش‌گه آلیشی قومی و سمتی مساله‌لردن ایلدیز آلیشنی ایته‌دی. سونگی 14 ییل ایچیده حکومت‌ده بولیب ییریک فسادگه قولی بولگن کیشیلر هم بیر لوازمدن ینه بیر لوازمگه ایش‌گه آلینه دیلر دیگن جناب معترف.

جناب معترف‌گه کوره، ملی بیرلیک حکومتی تک قوملیک همده تمامیت خواهلیک تامانگه یونلگن. جمهور رییس نینگ بو سعی و حرکتلری حکومت و خلق اورته‌سیده کوپراق فاصله یره‌تیلیشی‌گه باعث بولیشی باره‌سیده تاکید قیلگن او.

اما، ملی اجراییه ریاستی نینگ سوزلاووچیسی خبری بیر ییغین‌ده قیلگن چیقیشی‌ده فاروق وردک نینگ فساگه قولی بارلیک مساله‌نی رد قیلگن.

جناب رحیمی، وردک افغانستان عدلی و قضایی اداره‌لری تامانیدن رسمن فسادگه قولی بارلیک‌ده محکوم بولمه‌گن دیدی.

اما، اوتگن ییل سلام‌وطندار ترماغی اوزی‌نینگ تحقیقی بیر گزارشی‌ده افغانستان سابق معارف وزیری جناب فاروق وردک نینگ 25 میلیون افغانی‌نی اوغیرله‌گن لیکیده قولی بارلیگینی معلوم قیلگن ایدی.