دوشنبه 1396 - ییل 1 - سَنجه‌م|عقرب / 2017 - اکتوبر 23 گه توغری

ننگرهارده ایکی پاکستانلیک دیپلمات اوغیرلنگن




 ٢٨ ایگیز|جوزا ١٣٩٦

 

پاکستان تشقی ایشلر وزیرلیگی تامانیدن سلام‌وطندارگه ییتیشگن خبرنامه‌ده کیلیشیچه، اوتگن «جمعه» کون (16- جون) دن بویان ایکی پاکستانلیک دیپلمات جلال‌آباد-تورخم یولی‌دن درک‌سیز یوقالگن.

پاکستان ایلچی‌خانه‌سی، دیپلمات‌لرینی آختریش اوچون افغانستان حکومتی‌دن یاردم سوره‌گن.

ایتیلیشیچه، اوشبو پاکستانلیک دیپلمات‌لر تورخم بندری یولی‌دن پاکستان کیتیش‌گه قصد قیلگن ایکن‌لر.

بیراق، ننگرهارده جایلشگن پاکستان قونسلی بیر خبرنامه ترقه‌تیب درک‌سیز بولگن پاکستانلیک دیپلمات‌لرنینگ رقمی‌نی اوچ کیشی دیگن. اولرنینگ ادعا قیلیشیچه، افغانستان حکومتی مذکور دیپلمات‌لرنینگ درک‌سیز بولیشی‌دن خبردار ایکن.

شونینگ‌دیک، ننگرهار رسمی‌لری‌نینگ ایتیشیچه، اولر پاکستانلیک دیپلمات‌لرنی آختریش اوچون اوچ خاص گروه تعیین قیلگن‌لر.

سلام‌وطندار بیلن صحبت اوتکزگن ننگرهار حاکمی سوزلاوچیسی عطاالله خوگیانی‌نینگ ایتیشیچه، اولر ایسلنگن ایکی دیپلمات‌نی آختریش اوچون پاکستان رسمی‌لری و محلی اداره بیلن قوشمه ییغین اوتکزگن‌لر.

پاکستانلیک دیپلمات‌لرنینگ درک‌سیز بولگنلیگی دلیلی حاضرگچه معلوم بولمه‌گن و هیچ بیر گروه هم بو ایش مسؤولیتی‌نی بوینیگه آلمه‌گن.