پنج‌شنبه 1396 - ییل 2 - یاغیم|قوس / 2017 - نومبر 23 گه توغری

هرات‌ده غرب چیگره پولیس قومندانلیگی‌نینگ 3 ایشلاوچیسی ترور بولگن




 ٢٦ بیشیم|سرطان ١٣٩٦

 

بوگون «دوشنبه» ایرته‌لب هرات ولایتی کهسان تومنی‌نینگ احمدآباد منطقه‌سیده غرب چیگره پولیس قومندانلیگی‌نینگ 3 ایشلاوچیسی طالب‌لر تامانیدن آتیب اولدیریلگن.

اوشبو خبرنی تصدیق‌لگن هرات حاکمی سوزلاوچیسی جیلانی فرهادنینگ سلام‌وطندارگه ایتیشیچه، غرب چیگره پولیس قومندانلیگی‌نینگ 3 ایشلاوچیسی هرات ولایتی کهسان تومنی‌نینگ احمدآباد منطقه‌سیده ایش‌گه تامان باره‌یاتگن بیرچاغده قوراللی طالب‌لرنینگ پیستیرمه‌سیگه توشیب اولدیریلگن‌لر.

جناب فرهادگه کوره، هلاک ایتیلگن‌لر اسلام‌قلعه گمرکی کشفی آمری، یایومتریک آمری و بیر عیال پولیس دیر.

هرات حاکمی سوزلاوچیسی‌نینگ ایتیشیچه، حاضرگچه کیم‌سه بو واقعه توغریسیده قولگه آلینمه‌گن، بیراق واقعه توغریسیده تیرگاو باشلنگن.

شونینگ‌دیک، هرات پولیسی سوزلاوچیسی عبدالاحد ولی‌زاده، بو واقعه‌نی تصدیق‌لگن.

عین حالده، هرات محلی رسمی‌لری بو واقعه‌نی طالب‌لرگه نسبت بیره‌دیلر، بیراق سلام‌وطندار بیلن صحبت اوتگزگن طالبان سوزلاوچیسی قاری یوسف احمدی‌نینگ ایتیشیچه، غرب چیگره پولیس قومندانلیگی‌نینگ 3 ایشلاوچیسی‌نی اولر اولدیرمه‌گن.

اونینگ ایتیشیچه، احتمال باریچه غرب چیگره پولیس قومندانلیگی‌نینگ ایشلاوچی‌لری اوغیری‌لر تامانیدن اولدیریلگن.