سه‌شنبه 1396 - ییل 25 - اولچاو|ميزان / 2017 - اکتوبر 17 گه توغری

ایلک‌بار کابلده کورلر اوچون بیریل کتاب‌خانه‌سی آچیلدی




 ١١ ییغیم|اسد ١٣٩٦

 

ایلک‌بار کورلر اوچون کابلده آرمان نامیده بیر کتاب‌خانه آچیلدی.

کورلر اوچون ایلک‌بار آرمان نامیده کتاب‌خانه ایجاد قیلگن یاسمین محمدی، کتاب‌خانه ایجاد قیلیشدن مقصد کورلرنینگ فکری و استعدادینی اویغه‌تیش دیگن.

اونگه کوره، حاضرگه قدر 120 کتاب‌نی ساغلیقنی سقلش، دم آلیش و معلوماتی عنوانلریده بریل قیلیب و 300 جلد کتابنی هم برقی شکلیده ییغیشتیریب کورلر خدمتی‌گه قویگن.

خانم محمدی‌نینگ ایتیشیچه، ییغیشتیریلگن کتابلر کورلرگه اورگه‌تیش و قیینچی‌لیکلرینی حل قیلیشگه کفایه قیلیشی ممکن.

کابل کورلریگه مسلکی اورگه‌تیش لیسه باشلیغی هم خرسندلیک قیلب کتاب‌خانه ایجاد ایتیلیشی بیلن اوقووچیلر استعدادی و اورگه‌نیشلریگه ایجابی تأثیر قالدیره‌دی دیب کوپه‌یتیره‌دی.

کورلر مسلکی لیسه‌سی‌نینگ اوقووچیلریدن بیری حسیب‌الله نینگ ایتیشیچه، مذکور کتاب‌خانه ایجاد ایتیلیشی بیلن اولرنینگ معلوماتلریگه آرتیریله‌دی.

اونگه کوره، کتاب‌خانه توزه‌لیشی بیلن بولرنینگ قیینچی‌لیکلریدن کتته قسمی حل ایتیله‌دی.

اوقووچیلردن باشقه بیری ملیحه، کتابخانه‌دن فایده‌لنیب بیلیم‌لریگه آرتیریب کیره‌کلی نیازلرینی حل ایتیب معلومات قولگه کیلتیره آله‌دیلر.

معارف وزیرلیگی‌نینگ فنی و مسلکی معینی محمدرحیل فرملی مذکور کتاب‌خانه آچیلیش مراسمی‌ده، بو ایشنی آلقیشلب اونگه یوقاری بها بیردی.

اونینگ ایتیشیچه، معارف وزیرلیگی مملکت بویلب کورلرگه اورگه‌تیش بولیمی‌ده اساسی ایش قیلماقده.

معارف وزیرلیگی‌نینگ معلوماتیگه کوره، شو حاضر مملکت بویلب کورلر اوچون 11 مکتب فعالیت قیله‌دی.