سه‌شنبه 1396 - ییل 25 - اولچاو|ميزان / 2017 - اکتوبر 17 گه توغری

افغان -ترک اوقووچیلری 171 مدال آلگن




 ٢٧ تیریم|سنبله ١٣٩٦

 

  

افغان – ترک مکتبلری ریاستی‌نینگ مسووللری، مدال آلیب کیلگن اوقووچیلرنی تقدیریش مناسبتی بیلن اوتکزگن ییغین‌ده میلادی 2017- ییلده المپیاد مسابقه‌لریده 171 مدال آلگن‌لیکلرینی بیلدیردی.

بولرنینگ سوزلریگه کوره، اوشبو مکتبلر اوقووچیلریگه کوپراق امکانیت بیریلگن حالده، بوندن آرتیق موفقت‌گه ایریشیشلری ممکن.

افغان – ترک مکتبلرنینگ اورین باسری یلماز آیتن، افغانستانلیک اوقووچیلر المپیادنینگ بو دور مسابقه‌لریده دری ادبیاتی، ریاضی، کمپیوتر، فیزیک و کیمیا بولیملریده باشقه مملکتلر اوقووچلری بیلن رقابت قیلیب 63 آتین مدال 73 کوموش و 32 برنز مدال آلگن‌لیکلرینی ایتگن.

افغان – ترک مکتبلرنینگ اورین باسری، اوتگن ییل کانکور سیناویده افغان – ترک لیسه‌لری‌نینگ اوقووچیلری یوقاری نمره آلگن‌لیکلرینی تیلگه آلگن.

افغان –ترک مکتبلری افغانستان و تورکیه دولتی‌نینگ دوستلیک تمثالی حسابلنه‌دی. او، افغانستانلیک اوقووچیلر تربیه‌له‌نیشی اوچون هیچ قنده‌ی کومکنی ایه‌مسلیگینی بیلدیرگن.

پایتخت شامل حاضرگی کونده مملکت نینگ قطار ولایتلریده افغان – ترک مکتبلر فعالیت قیلیب کیله‌دی. چمه‌سی 8 مینگ اوقووچی‌گه 160ته تورکیهلیک اوقیتوچی و 380ته افغانستانلیک اوقیتوچی درس بیریب کیله‌دی.