سه‌شنبه 1396 - ییل 25 - اولچاو|ميزان / 2017 - اکتوبر 17 گه توغری

امریکا: اسلام آباد ترورچی گروه‌لر بیلن علاقه‌ده دیر




 ١٢ اولچاو|ميزان ١٣٩٦

 

امریکا حربی قوشمه کوچلر باشلیغی جوزف دانفورد، پاکستان استخبارات تشکیلاتی (ISI) نی ترورچی گروه‌لر بیلن علاقه‌ده بولگن‌لیک‌که عیب‌له‌دی.

امریکا سنامجلسی‌نینگ قوراللی کوچلر کمیته‌سیده جناب دانفورنینگ امریکا مدافعه وزیری جیمز متیس‌گه ایتیشیچه، «می‌نینگ فکریمچه پاکستانده کوپینچه نرسه‌لر اوزگریشی کیره‌ک. بیزلر ائتلاف‌گه اعضا مملکت‌لر و اوندن تشقری چین و هند مملکت‌لری‌نینگ همکارلیک‌لرینی جلب ایتیب و پاکستان توغریسیده نیچه تامانلمه توشونچه میز بولگنده، بو مملکت‌گه کوپراق یاردم بیره آله‌میز.»

شونینگ‌دیک، اوشبو ییغینده امریکا مدافعه وزیری‌نینگ ایتیشیچه، گرچند پاکستان دولتی ترورچیلرگه قرشی عملیات اوتکزه‌دی، بیراق آی‌اس‌آی تشکیلاتی تشقی سیاستی‌نی ایزله‌یدی.

متیس‌نینگ کوپه‌یتیریشیچه، اسلام‌آباد توغریسیده ترامپ قرار آلیشی‌دن آلدین پاکستان‌گه باشقه بیر فرصت بیریله‌دی و بو یوزه‌دن افغانستان توغریسیده پاکستان بیلن ایش قیلیب بوله‌دی. اونینگ ایتیشیچه، واشینگتن بیرلشیک‌لری بیلن مذاکره اوتکزماقده و پاکستان‌نینگ اوستیگه باسقین کیریتیب و افغانستان خصوصیده همکارلیگی‌نی جلب ایته‌دی.

بیراق، واشینگتن‌ده پاکستان ایلچی‌خانه‌سی‌نینگ ایتیشیچه، پاکستان اوز توپراغیده ترورچیلرگه قرشی کوره‌ش‌ده یخشی یوتوقلرگه قول تاپگن.