سه‌شنبه 1396 - ییل 25 - اولچاو|ميزان / 2017 - اکتوبر 17 گه توغری

مخابرات مشتریلریدن آلینه‌دیگن سالیق قانونی مجلس تمانیدن رد قیلیندی




 ١٩ اولچاو|ميزان ١٣٩٦

 

مجلس اعضالری مخابراتی شرکتلر مشتریلریدن آلینه‌دیگن سالیق قانونی کوپلب آواز بیریشلری بیلن رد قیلدی.

نماینده‌لر مذکور قانوننی رد قیلیش‌دن مقصد مخابراتی محصول قانونی‌نینگ ایکی ماده‌سی نقض بولگنی، تینیق تیکشیروو سیستمه  بولمه‌گنی و اهالی‌نینگ پولی تالان بولگنی دیگن.

نماینده‌لر مجلسی‌نینگ مخابرات و مواصلات کمیسیونی‌نینگ باشلیغی قیس حسن، مخابرات وزیرلیگی‌نینگ بیرگن رقمی‌گه کوره، مملکت‌ده 24 میلیون تیلفون دن استفاده قیلینه‌دی و کونده‌لیک مذکور وسیله‌دن 18 -20 میلیون کیشی‌گه ییتشه‌دی؛ بو اوچون، ییلده 7.3 میلیارد افغانی حکومت حسابی‌گه کیلیشی کیره‌ک ایدی.

اما مجلس اعضاسی‌گه کوره، ایکی ییل جریانیده حکومت حسابی‌گه کیلگن پول 7.9 میلیارد افغانی بولگن و مخابراتی شرکتلر بیلن دولتی اداره‌لر اورته‌سیده 7 میلیارد افغانی «یوقالگن.»

نیچه کون آلدین مخابرات وزیرلیگی 3 ییللیک ایشلریدن گزارش ارایه قیلگونچه هلی هم مشتریلردن سالیق آلیش بولیمیده سیستمه یوق‌لیگینی معلوم قیلگن ایدی.