چهارشنبه 1396 - ییل 26 - اولچاو|ميزان / 2017 - اکتوبر 18 گه توغری

جوزجان‌نینگ قوش‌تِپه تومنیده داعش سقال تراشلَه‌ماقنی منع قیلدی




 ١٩ اولچاو|ميزان ١٣٩٦

 

جوزجان‌نینگ قوش‌تِپه تومنی یشاوچیلری‌نینگ ایتیشیچه، داعش گروهی نظارتی‌ده بولگن منطقه‌لرده سقال تراشله‌ماق و فوتبال بیلشوولری یولگه قوییلیشی‌نی منع قیلیب و بیرقطارلرنی شو توغریده قِیناقله‌گن.

شونینگ‌دیک، اولرنینگ ایتیشیچه، داعش جنگریلری مذکور تومنده قماقخانه توزه‌تگن.

اوشبو گروه‌نینگ قولیدن قاچیش‌گه مؤفق بولگن محمدسلیم‌نینگ ایتیشیچه، داعش قماقخانه‌سیده بولگن چاغیده هر کون قِیناقلر ایکن. داعش جنگریلری‌نینگ قولیدن قاچیش‌گه مؤفق بولگن‌لردن باشقه بیری گلاب‌الدین‌نینگ ایتیشیچه، اوشبو جنگریلر سقالی‌نی تراشلب و فوتبال اوینه‌یدیگن یاشلرنی قِیناقله‌یدی.

قوش‌تِپه اهالیسی‌نینگ ایتیشیچه، اوشبو منطقه‌لرنی داعش‌دن تازه‌لش عملیات حاضرگچه باشلنمه‌گن و هر کون وضعیت یمانراق بولیب کیته‌دی.

شونینگ‌دیک، آتی فاش ایتیلیشی‌نی ایستمه‌گن محلی رسمی‌لردن بیری، قوش‌تِپه‌ده سقال تراشلماق داعش جنگریلری تامانیدن منع ایتیلگنینی تصدیق‌لب ایتیشیچه، مذکور تومنده داعش گروهی کوپراق جنگری جذب ایتیش اوچون سعی و حرکت قیله‌دی.

جوزجان حاکمی سوزلاوچیسی محمدرضا غفوری‌نینگ ایتیشیچه، داعش هیچ بیر جنایت‌دن قول تارتمه‌یدی، بیراق قوش‌تِپه‌دن داعش گروهی‌نی تازه‌لش اوچون حربی عملیات یولگه قوییلیشی خصوصیده، سعی و حرکت قیلینماقده.

داعش گروهی حاضرگچه بوتوغریده هیچ نرسه دیمه‌گن.

قوش‌تِپه جوزجان‌نینگ ناتینچ تومنلریدن سنله‌دی و اوشبو تومنده داعش گروهی کینگ شکلده فعالیت قیله‌دی.