يک‌شنبه 1396 - ییل 26 - یاغیم|قوس / 2017 - دسمبر 17 گه توغری

قندوز امنیتی کوچلری: کیره‌کلی ییگولیک آذیق-آوقت‌سیز آلتی آی اوتدی




 ١٩ اولچاو|ميزان ١٣٩٦

 

قندوز افسرلری و محلی پولیس عسکرلریدن بیرقطاری‌نینگ ایتیشیچه، آلتی آیدن بویان اولرگه ییگولیک آذیق-آوقت ییتیشمه‌گن.

آتی فاش ایتیلیشی‌نی ایستمه‌گن اوشبو عسکرلرنینگ سلام‌وطندارگه ایتیشیچه، شونچه مدتده یالغیز برنج ییتیشگن؛ توزه تیلگن رویخط اساسیده، هر بیر عسکرگه آیی‌ده 31 یومورتقه، 9 کیلوگرام کچالو، بیر کیلوگرام پیاز و 7.5 کیلوگرام میوه ییتکیزیلیشی کیره‌ک.

اوشبو ولایت‌نینگ امنیتی کوچلریگه ییگولیک آذیق-آوقت جمله‌دن میوه و سوت ییتیشمه‌گنینی تصدیق‌لگن قندوز ولایت کینگشی اورین باسری توریال کاکرنینگ ایتیشیچه، بو ماده‌لرنی ییتکزیش شرطنامه باغله‌گن شرکت‌لرگه تیگیشلی بوله‌دی و پولیس قومندانلیگی‌نینگ سعی و حرکتی بو توغریده نتیجه‌سیز قالگن.

شونینگ‌دیک، شمال‌شرق پولیس قومندانی خلیل‌الله ضیایی‌نینگ ایتیشیچه، شرطنامه باغله‌گن شرکت‌لر منفعت‌لری اساسیده، ایش قیله‌دیلر و امنیتی کوچلرنینگ برابریده مسؤولیت حِس قیلمه‌یدیلر. جناب ضایی‌نینگ ایتیشیچه، بو قیین‌چیلیک‌نی ایچکی ایشلر وزیرلیگی بیلن شریک قیلگن و شونینگ‌دیک، مرکز حل قیلیشی توغریسیده سوز بیرگن.

مملکت‌نینگ هر بیر چیکه‌سیده امنیتی کوچلر ایریم پیت‌لرده حربی جهاز و ییگولیک آذیق-آوقت ییتکیزیلمه‌گنیدن شکایت قیلیب کیلگن‌لر. سونگی قضیه‌لرگه اشاره قیلگنده فاریاب ولایتی‌نینگ غورماچ تومنیده طالب‌لرنینگ قورشاویده قالگن امنیتی کوچلر نیچه کوندن قالگن آوقت‌دن فایده‌لنگن ایدیلر.