سه‌شنبه 1396 - ییل 25 - اولچاو|ميزان / 2017 - اکتوبر 17 گه توغری

کرزی: لویه جرگه ملی وفاقنی تأمینله‌یدی




 ٢٠ اولچاو|ميزان ١٣٩٦

 

افغانستان سابق جمهور رییسی حامدکرزی مملکت حاضرگی وضعیتی تیکشیریلیشی، یشاوچیلر بیرلیگی، دنیا تقابلیدن افغانستاننی قوتقریش، تینچ‌لیککه ییریشیش و ملی وفاق تیکله‌نیشی اوچون لویه جرگه بولیب اوتیلیشینی طلب قیله‌دی.

بوگون جناب کرزی‌نینگ بیر خبری انجمن آلیب ایتیشیچه، لویه جرگه اوتکزیلیشی اوچون ملی بیرلیک حکومت باشلیغ‌لری بیلن هم سوزلشگن و شونینگدیک طالبلرنی یره‌ش قیلیش‌گه چقیریب نامه یوبارگن.

کرزی‌گه کوره، امیریکه نینگ افغانستان اوچون ینگی لایحه‌سی منطقه‌ده قره‌مه قرشی‌لیکلر کوپه‌یشیگه سبب بوله‌دی و مسکونینگ متحدلری بیلن واشنگتن اوروشی «افغانستاننی ویران قیلیشی ممکن.»

کرزی‌نینگ صحبت‌لری ارا افغانستان‌ده امیریکه کوچلری‌نینگ بمب‌لردن استعمال قیلیشینی ترورستی اعمال دیب بیله‌دی و ایتیشیچه، افغانستان‌ده تینچ‌لیک لایحه‌سینی واشنگتن سیندیرگن.

او بومرته داعش و القاعده گروه‌لرینی تروریست دیب، بیراق طالبلرنی افغانستان یشاوچیلری بیله‌دی و مذکور گروه ایشلرینی تروریستی ایش دیگن.

کرزی جمهور رییس‌لیک دوری سونگی کونلریده واشنگتن‌نینگ سیاستی‌گه قرشی منتقدلردن بیری گه ایلنگن ایدی. شونینگدیک او افغانستان و آسیاجنوبی اوچون امیریکه‌نینگ ینگی لایحه‌سیگه هم قرشی چهره‌لردن سنله‌دی.