يک‌شنبه 1396 - ییل 26 - یاغیم|قوس / 2017 - دسمبر 17 گه توغری

قول صنعتی رواجلنگنی باعث، عیال‌لرنینگ درآمدی کوپه‌یگن




 ٢٠ اولچاو|ميزان ١٣٩٦

 

کابل‌ده جایلشگن عیال‌لر باغی‌گه کیرگن پیتینگیزده سیس و شوقین‌لرگه گواه بوله‌سیز. باغ‌نینگ بیر بولیمی‌ده کیچیک قیزلر اوینه‌دی و باشقه بیر بولیمی‌ده قیچی و تیکووچیلیک ماشین‌نینگ سیسی ایشیتیله‌دی. افغانستان عیال‌لری‌نینگ سنتی صنعت‌لرینی خامک تیکیش، خنجر تیکیش، پتلون اوستیگه کییله‌دیگن و زرگرلیک تشکیل بیره‌دی. بیراق، حاضرگی کونلرده هیچ کیم بو صنعت‌نی اوی اویینچاغی صفتیده تانیمه‌یدی؛ بو صنعت‌لر دولتی و خلق ارا اداره‌لر همکارلیگی‌ده حاضر بیر صنعت‌گه اوزگرگن و بیزلر اولرنی «قول صنعتی» صفتیده تانیمیز.

کابل‌ده جایلشگن عیال‌لر باغیده قول صنعتی و قالین توقیش شرکت باشلیغی شیرین اکبری‌نینگ بیر ایش خانه‌سی بار و او ییرده 30 یاش عیال تورلی بولیم‌لرده ایش قیله‌دی. ایش خانه‌سیگه کیرگنیم‌ده تورلی بویاقلی تِکه و پارچه‌لرنی کوردیم. تِکه‌لر مهارت بیلن قیچی بولگن و بیر نیچه تیکووچی اولرنی اوستیگه ایشلب تورگن.

ایش خانه‌نی باشقه بیر چیکَّه‌سیده مونچاق تیکووچی نیچه عیال مهارت بیلن قیمت بها تاشلرنی اوستیگه ایش قیله‌دیلر. کورینیشچه، یوزوک، بیلََزیک و مرجان توزه‌ته‌دیلر.

ایش خانه‌نی کورگنیم‌دن سونگ، شیرین دن ایش وضعیتی‌نی سوره‌دیم. اونینگ ایتیشیچه، 15 ییل قول صنعتی بولیمی‌ده ایشله‌گن و تورت آی آلدین، 50 دن آرتیق عیال‌نی بو بولیم‌ده تربیه‌لگن.

شیرین، اوز ایشینی قیین‌چیلیک‌ده 10 مینگ افغانی قرض آلیب باشله‌گن. ایش خانه‌نی یولگه قویگنده کوپینچه قیین‌چیلیک‌لرگه روپه‌ره بولگن. بیراق ایتیشیچه، هیچ قچان بویین اینگمه‌ی و امیدسیزلیک‌نی قبول قیلمه‌گن. حاضر شیرین‌نینگ سرمایه‌سی بیر میلیون و 500 مینگ افغانی‌گه ییتیشه‌دی.

شیرین‌نینگ ایتیشیچه، بیرینچی آرزو و ایسته‌گی کونلردن بیر کون برچه بیوه عیاللرنی ایش بیلن تأمین‌لش دیر.

نجمه ایوبی سوداگر دیر و 16 ییل‌دن بویان صنعت بولیمیده ایشله‌یدی. او بیر درخت‌نینگ سایه‌سیده اولتیریب و اویقولر ایدی. او بیلن صحبت اوتکزیش‌نی ایسته‌دیم.

نجمه عایله‌سینی حمایه قیله‌دی و هیچ کیم‌گه محتاج ایمس‌لیگیدن جوده هم خرسند دیر. بو عیال بیلن صحبت قیله‌یاتگن پیتیم‌ده هر مرته بو جمله‌نی تکرار قیلردی « ایگنه‌نی اوچی بیلن باله‌لریم گه حلال نان تاپیب بیره‌من».

نجمه اوچون 20 یاش عیال قول چانته‌سی، بَیک توزه‌تیش و پَیپاق تیکیش بولیم‌لریده ایش قیله‌دی. بو ییرده ایشلب چیقاریله‌دیگن برچه محصولات عصری ریجه‌لر و چیرایلی دیزاین‌لر بیلن وطنی تیری و تِکه‌لردن توزه‌له‌دی. اوشبو محصولاتدن بیرقطاری، آلقیش‌گه سزوار و جوده هم عجایب دیر.

نجمه، 16 ییل‌ده یوز بیرگن اوزگریشنی دییرلی و ایجابی دیب بیله‌دی و اونینگ ایشانچی‌گه کوره، دولت عیال‌لرنینگ اجتماعی، مدنی و اقتصادی وضعیتی اوزگریشی اوچون ایریم لایحه‌لرنی قولگه آلیب و اولرنی عمل‌گه آشیرگن.

ایش و مهارتیدن جوده هم راضیلیک بیلدیرگن نجمه‌نینگ ایتیشیچه، برچه درآمدی فرزندلری‌نینگ تربیه‌لش‌ده صرف بوله‌دی و اولردن درس و تعلیم آلیش‌دن باشقه هیچ نرسه ایستمه‌یدی.

نیچه وقت آلدین، بیر ییغینده نطق سوزلب ایشانچ بیرگن افغانستان بیرینچی خانمی رولا غنی، ملی بیرلیک حکومت عیال‌لردن حمایت قیلیب، ایش بیلن تأمین‌لب، اقتصادی وضعیت‌لری اوزگریشی و سرمایه یاتقزیش‌لریدن حمایه قیلیشی‌نی بیلدیرگن ایدی.

شونینگ‌دیک، مذکور ییغینده عیاللر وزیری دلبر نظری، عیال‌لرنینگ اقتصادی رواجلنیشی عایله‌وی زوره‌وانلیک‌لرگه ایرکین شکلده باغلیق‌لیگی‌نی ایتگن ایدی.

عیال‌لر ایش بیلن تأمین‌لنیشی خصوصیده حکومت‌نینگ سیاستی‌نی کوپراق تیکشیریش اوچون افغانستان عیاللری صنعت و سوداگرلیک اتاقی ریاستی‌گه باردیم. مذکور اداره باشلیغی منیژه وافق، مملکت اقتصادی رواجلنیشی خصوصیده، عیال‌لر رولی‌نی اونملی دیب و یشاوچیلردن عیاللرنی کوچلنتیریش اوچون قول صنعت‌لریدن فایده‌لنیش‌لرینی سوره‌گن.

خانم وافق‌نینگ ایتیشیچه، افغانستان عیاللری صنعت و سوداگرلیک اتاقلری ریاستی، سوداگرلیک، بازار تاپیش و ایشلب چیقاریله‌دیگن محصولات صفتی یوقاری کیتیشی خصوصیده، صنعت کار عیال‌لرگه یاردم بیریش اوچون سعی و حرکت قیله‌دی.

کابل‌ده جایلشگن عیال‌لر باغیده قول صنعتی ایش خانه‌سی افغانستان عیال‌لری‌نینگ کوچی و جدی اراده‌سینی کورسته‌دی.

عیاللر تامانیدن ایشلب چیقاریله‌دیگن محصولات‌گه کوره، ایش جنسیت تانیمه‌یدی و مملکت عیاللری، قارانغو اوتمیش‌لریدن کوز یومیب، کوچلری، هدف‌لری و کیله‌جک‌لرینی آیدینلشتیریشی اوستیگه تأکیدله‌یدیلر.