چهارشنبه 1396 - ییل 1 - یاغیم|قوس / 2017 - نومبر 22 گه توغری

قندهار میوند تومنی‌ده اردو کوچ‌لریدن 46 ته‌سی اولدیریلگن




 ٢٧ اولچاو|ميزان ١٣٩٦

 

اسمی سیرسقله‌نیشی شرطی بیلن سلام‌وطندارگه منبع‌نینگ ایتیشیچه، اوتگن کیچه جنگری طالبلر قندهار ولایتی میوند تومنی‌نینگ چشمه منطقه‌سیده‌گی اردوکوچلری قرارگاهی اوستیگه هجوم قیلگن.

منبع‌نینگ ایتیشیچه، مذکور هجوم‌ده اردو کوچلریدن 46 ته‌سی اولدیریلگن، 6 حربی یره‌دار و باشقه 6 ته‌سی هم قمل‌گه آلینگن.

مملکت مدافعه وزیرلیگی‌نینگ سوزلاوچی‌سی دولت وزیری‌نینگ خبرنی تأیید قیلیب ایتیشیچه، اوتگن کیچه‌گی هجوم اردو کوچلری‌نینگ اوقیده بولگن پیتیده بولگن.

وزیری‌نینگ ایتیشیچه، هجومچی‌لر اردوکوچلری ایچیده‌گی نفوذی شخصلر بولگن.

قندهار امنیتی رسمیلری هم بولیب اوتگن حادثه‌نی تصدیقله‌گن.

طالبان گروهی هجوم مسؤولیتی‌نی اوز ذمه‌سیگه آلیب و ملی اردو کوچلریگه آغیر تلفات ایتکزیلگن دیب ادعا قیلگن.