چهارشنبه 1396 - ییل 1 - یاغیم|قوس / 2017 - نومبر 22 گه توغری

قلعۀ زمان‌ خان جاده‌سی‌نینگ ایشی باشلندی




 ٢٧ اولچاو|ميزان ١٣٩٦

 

قلعۀ زمان‌ خان جاده‌سی‌ده موترلر توخته‌گن و هربیری بو یول توزه‌لیشی اوچون بیرایش‌نی بجره‌دی. بیری تاشلرنی اویاققه قیله‌دی، ینه بیری توپراق ایلته‌دی و ایشچی‌لرهم بیل و کراچی بیلن یول چیکه‌سی‌ده توریب یول‌نی توزه‌تیش اوچون زحمت چیکماقده‌لر.

جاده‌نینگ توزه‌لیشی نیچه ییل آلدین باشلنگن ‌ایدی، اما ایریم دلیللر سبب توخه‌تب قالگن ایدی.

محل یشاوچیلری جاده‌نینگ توزه‌تیش ایشی تیزلیک‌ده یکونله‌نیب، جاده‌دن اوتیش آرزوسی‎ده‌لر. اولر بوجاده توزه‌لیشی بیلن کونده‌لیک ایشلریگه قولیلیک‌لر کیلیب، توپراغ‌دن قوتیلیشنی تیلگه آله‌دیلر.

محل یشاوچی‌لریدن نجیب‌‎الله‌نینگ سلام‌وطندارگه ایتیشیچه، محل یشاوچیلری بوجاده توزه‌لشی‌دن خرسندلیک بیلدیره‌دیلر. او، یول توزه‌لشی‌گه یشاوچیلر یاردم بیریشلرینی اورغولب، هرقنده‌ی کمک قیلیش‌گه تیارایکنلیک‌لرینی معلوم قیلگنلر دیدی.

16-ناحیه کینگشی‌نینگ باشلیغی محمدعیسی شفایی بوجاده بوزوق‌لیگی ایل‌نی قطار قینچ‌لیک‌لرگه روپه‌ره قیلگنینی ایتیب، بوجاده آلدین‎دن کوره کینگ‌راق شکلده توزه‌لیشینی معلوم قیله‌دی.

قلعه‌زمان خان جاده‌سی‌‌ده ایشلب تورگنلر مسؤوللری‌گه کوره، بو جاده‌ قوریلیش خرجتی 10 میلیون دالر بولیب، بوپول کابل بلدیه‌سی تمانیدن تولنه‌دی.

پروژه باشلیغی دلاورخان ساپی، قلعه‌زمان‌ خان جاده‌سی‌نینگ یینی 60 متر بولگنینی ایته‌دی. جناب ساپی بوجاده‌نینگ ایشی 1396- ییل باش‌لریده باشلنگن ایدی دیگن. او، قلعه زمان خان جاده‌سی احمدشاه بابا منطقه‌سی و بنایی توراغی‌گه قوشیلیشی‌نی ایته‎دی. ساپی بیرار قینچ‌لیک چیقمه‎گن حالده نیچه آی جریانی‌ده ایش یکونله‌شینی ایتماقده.

مسؤوللر کابل بلدیه‌سی باشقه جاده‌لرنی ایشی هم باشله‌نشی‌دن خبر بیره‌دیلر. اولر مردم ایشلریگه یاردم بیرگن‌لیکلریدن هم خرسند کورینه‎دیلر.

محل یشاوچی‌لری جاده‌لر اساسی ‌شکلده قوریلیشی اوچون کابل بلدیه‌سی جاده‌لر ایشی‌دن نظارت قیلیش‌نی طلب قیله‌دیلر.