چهارشنبه 1396 - ییل 1 - یاغیم|قوس / 2017 - نومبر 22 گه توغری

تدارکات اداره‌سیده ایشلاوچی تعیین قیلیش سیناو یولگه قوییلدی




 ٢٧ اولچاو|ميزان ١٣٩٦

 

بوگون «پنج‌شنبه» کابل بیلیم یورتی‌ده اداری اصلاحات و ملکی خذمت‌لر ایرکین کمیسیونی تامانیدن تدارکاتی اداره بست‌لریگه کاندید بولگن‌لرنینگ سیناوی یولگه قوییلدی.

تدارکاتی اداره سیناوی‌گه اشتراک قیلگن‌لرنینگ ایتیشیچه، شفاف‌سیزلیک و فساد سبب، بو لایحه‌گه شبهه بیلن قره‌یدیلر. اولرگه کوره، قطار کیشی‌لر سیناوگه اشتراک قیلمس‌دن بونده‌ی اداره‌لرده تعیین بوله‌دیلر.

اشتراکچی‌لرنینگ کوپه‌یتیریشیچه، ایشلاوچی تعیین ایتیلیشی‌ده واسطه‌چیلیک و شفاف‌سیزلیک یاشلرنینگ روحی‌گه سلبی تأثیر قویه‌دی و یاشلر قیین‌چیلیک‌که دوچار بوله‌دی.

عین حالده، عالی اوقوو وزیرلیگی‌نینگ سرپرستی عبداللطیف روشان، سیناو شفاف‌لیگی‌دن ایشانچ بیریب ایتیشیچه، تدارکات اداره‌سیده 607 بست اوچون 8175 کیشی سیناوگه اشتراک قیلگن.

تدارکات اداره‌سیده ایشلاوچی تعیین قیلیش سیناوی الکترونیکی کیم‌لیک‌لر اداره‌سیده ایشلاوچی تعیین قیلیش سیناویدن سونگ، اداری اصلاحات و ملکی خذمت‌لر ایرکین کمیسیونی تامانیدن یولگه قوییلگن ایکینچی سیناوی دیر.