چهارشنبه 1396 - ییل 1 - یاغیم|قوس / 2017 - نومبر 22 گه توغری

دولت سرپل‌ده 19 مکتب ایشیگینی یاپدی




 ١٥ سَنجه‌م|عقرب ١٣٩٦

 

سرپل معارف ریاستی‌نینگ ملازملری بو ولایت‌نینگ صیاد و کوهستانات تومنلری‌ده قیز و اوغیل‌ باله‌لر اوقیب کیله‌یاتگن 19مکتب‌نی یاپیش‌گه قرار قیلگن.

اولر عایله‌لرنینگ قشاقلیک و علاقه‌سیزلیک‌لرینی اساسی دلیل قیلیب کورسته‌دیلر.

سرپل معارف ریاستی‌نینگ باشلیغی عبدالغفور سرپلی سلام‌وطندار بیلن بولگن صحبتی‌ده صیاد تومنی‌ده 5ته اره‌لش و 2ته قیزلرلیسه‌سی یاپیلگنینی ایتگن .

اونینگ ایتیشیچه، کوهستانات تومنی‌ده 4ته اره‌لش، 4ته ایرکک‌لر لیسه‌سی و 4ته هم قیزلرلیسه‌‍سی یاپیلماقده.

سرپل ولایتی کینگش اعضاسی سیداسدالله دانش بومکتب‌لر ایشیگی یاپیلیشی‌دن خواطربیلدیریب، مکتب‌لر یاپیلیشی بیلن کیله‌جک‌لرده سواد دن محروم قالگن اونلب ییگیت جنگری گروه‌لرگه قوشیلیشی ممکن لیگینی اورغوله‌گن.

اونینگ ایتیشیچه، جنگری گروه‌لر کوپینچه سوادی بولمه‌گنلردن عسکرآله‌دیلر.

دانش حکومت قشاقلیک‌نی یوق قیلیش و ملکه‌لرنی آشیریش‌دن مجبور بولسه‌هم بوحقده توجه قیلمه‌گنینی ایتگن.

سرپل حاکمی‌نینگ سوزچیسی 19مکتب ایشیگی یاپیلیشینی تصدیقله‌گن.

سرپل مدنی فعال‌لری ناقرارلیک‌لر کوپیگنی‌دن خواطربیلدیریب، مذکور مکتب‌لر ایشیگی آچیلیشینی طلب قیلگن‌لر.