چهارشنبه 1396 - ییل 1 - یاغیم|قوس / 2017 - نومبر 22 گه توغری

افغانستان اهالیسی‌نینگ خوش‌بینلیگی کیله‌جک اوچون کوپه‌یگن




 ٢٣ سَنجه‌م|عقرب ١٣٩٦

 

آسیا بنیادی‌نینگ ینگی فکر اورگه‌نیشی‌گه کوره، بوییل اوتگن ییل‌لرگه نسبَتن افغانستان اهالیسی‌نینگ خوش‌بینلیگی کیله‌جک اوچون کوپه‌یگن. آسیا بنیادی، اوشبو فکر اورگه‌نیش نتیجه‌سینی بوگون کابل‌ده خبر بیر ییغینده ترقه‌تدی.

اوشبو فکر اورگه‌نیش تدقیقاتچی‌لریدن بیری ادریس الهام‌نینگ ایتیشیچه، افغانستان اهالیسی‌دن 32.8% بیرگن بیانات‌لریدن افغانستان توغری یولگه کیتیشی‌نی بیلدیرگن و باشقه 61.2% افغانستان ناتوغری یولگه کیتیشی‌نی ایتگن‌لر.

آسیا بنیادی‌نینگ فکر اورگه‌نیشی‌ده کیلیشچه، اشتراکچی‌لردن 38.8% و بو جمله‌دن 41.2% ایرکک‌لر و 36.3% عیاللرنینگ ایتیشیچه، فرصت بولگن صورتده، افغانستان‌نی ترک قیلیش‌لری ممکن.

جناب الهام‌نینگ ایتیشیچه، اولرنینگ معلوماتی اسیده، اوشبو فکر اورگه‌نیش اشتراکچی‌لریدن 56.2% حکومت ایشی‌دن راضی دیر و بو رقم اوتگن ییل‌گه نسبَتن 7% کوپه‌یگن.

آسیا بنیادی‌نینگ فکر اورگه‌نیش نتیجه‌سیگه کوره، افغانستان اهالیسی‌دن 70.6% ایش سیزلیک‌نی یاشلرگه قرشی اساسی قیین‌چیلیک دیگن‌لر.

مذکور بنیاد معلوماتی اساسیده، اشتراکچی‌لردن 72.4% عیاللردن اویدن تشقری ایش قیلیشی و 82.3% عیاللر و قیزلر درس اوقیش‌لریگه موافقت بیلدیرگن‌لر.

اوشبو فکر اورگه‌نیش اشتراکچی‌لری، اورگه‌تیش و تربیه‌لش، ایکینچیلیک رواجلنیشی، خوفسیزلیک یخشی‌لنیشی، آست قوریلمه‌لر جمله‌دن یول و کوپریک قوریلیشی‌گه اولویت بیرگن‌لر.

آسیا بنیادی‌نینگ میلادی 2017- ییل‌ده‌گی فکر اورگه‌نیشی مملکت‌نینگ 34 ولایتیده 10 مینگ کیشی بیلن صحبت اوتکزیلیب تیارلنگن.