جمعه 1396 - ییل 24 - یاغیم|قوس / 2017 - دسمبر 15 گه توغری

سمنگان‌‌ معارف ریاستی‌نینگ ایشیگی یاپیلدی




 ٧ یاغیم|قوس ١٣٩٦

 

بوگون ایرته‌لب سمنگان معارف ریاسی‌نینگ بیرقطار ایشلاوچی‌لر و سمنگان عالم‌لرشوراسی‌نینگ اورین باسری معارف رییسی‌نینگ ایشلری قانون‌گه قرشی دیب ناراضلیک اوتکزگن‌لر.

معارف ریاستی‌نینگ باشلیغی عبدالمتین سروری، کیینگی پیت‌لر قتیق نظارت قیلیب بیرقطار ایشلاوچی‌لرنی غیر حاضر قیلگن ایدی.

معارف ایکی کیشی ایشلاوچی‌لری‌دن محمد هاشم و قاری عزیز، معارف رییسی حاضرینی بهانه‌قیلیب قینچلیک یره‌تماقده دیگن‌لر.

بیراق بو اداره قینچیلیگی جوده کته دیر. بو ریاست ایشلاوچی‎لری‌نینگ  عالم‌لر کینگاشی‌گه قیلگن شکایت‌لر سبب سمنگان ولایتی کینگش اداره‌سی بیلن عالم‌لر کینگشی اره سی‌ده هم جنجللر تاپیلگن.

سمنگان عالم‌لرکینگاشی‌نینگ اورین باسری مولوی عبدالحلیم مبارز نینگ معلوم قیلیشیچه معارف قینچیلیک‌لرگه یچیم یول تاپیش اوچون سمنگان ولایتی مقامی‌ده اوتکزیلگن ییغین‌ده سمنگان ولایتی کینگش شوراسی‌نینگ اعضاسی خاتول شیرزوی ییغین‌ده قتنشگن عالم‌لرگه توهین قیلگن.

بیراق خاتول شیرزوی بیرینچی بولیب عالم‌لردن بیری اونگه او معارف ایشلاوچی‌لریدن بولگن عیاللردن بیرگه توهین قیلگنینی ادعا قیله‌دی.

انه‌شوحال‌ده معارف ریاستی‌نینگ باشلیغی عبدالمتین سروروی حاضرلرنی باشقریش‌ده قیلگن ایشلری قانون گه تینگ بولگنینی ایتیب، او ناراضلیک یول‌گه تشله‌گنلر رسمیات جریانی‌ده شخصی ایشلریگه مشغول بولگنی اوچون غیرحاضر بولگن‌لردیگن.

دیمک ایکی کوندن بیری نارضلیک‌لر سبب، معارف ریاستی‌نینگ ایشیگی مراجعه قیلووچی‌لر یوزی‌گه یاپیق دیر.