جمعه 1396 - ییل 24 - یاغیم|قوس / 2017 - دسمبر 15 گه توغری

تاغ‌ آرتی‌دن بیلیم یورت‌گه کیلگن سن جیم تور




 ٨ یاغیم|قوس ١٣٩٦

 

هرات ژورنالیزیم بیلیم اویی بیتیرووچیسی کامران هنریار: بیش ییل آلدین هلمند دن هرات کیلدیم. امیدیم بو بیلیم اوی‌ده قالیب هرات تینچ فضاسی‌ده نفس آلیش ایدی.

بیلیم یورت بیرینچی کونلری‌ده نتیجه‌سیز قالگن‌‌لردن اوزیمنی اوستون بیلردیم. اما بیرینچی کوندن باشلب کنایه سوزلرنی ایشیته باشله‌دیم. ایشیگ قوریقچیسی دن توتیب اوقووچی‌لر و بیرقطار استادلرنینگ کنایه‌سی باشلنه ویردی. ناتوغری معماله‌لر ایریم حاللرده اخلاق‌دن اوزاق معمالر درس اوقیش‌نی باشیم‌دن اوچیردی.

مینی اینگ قینلتیره یاتگن گپ‌ کونده ایتیله‌یاتگن «تاغ آرقه‌سی‌دن کیلگن‌سن» دیگن گپ ایدی. هرات بیلیم یورتی‌نینگ اوقیتووچی‌لری هرات لهجه‌سینی بیلمه‌گن اوقووچی‌لرگه «پشت کوهی» دیب آت قویردیلر. بو گپ‌لرهم برچه اوقووچی‌لر یانیده صنف‌ده ایتیلردی.

توهین و تحقیرگه توله حرکت‌لر تبعیض بیلن‌هم بیرگه ایدی. اوقیتووچی‌لرنینگ درسی و درسلیک‌لری‌دن شکایت قیلمه‌گن اوقووچی‌لر استادلرنینگ کوز قره‌چیغی ایدلر و اولرنینگ جایی همیشه استادلر یانیده و اولربیلن چای ایچیش ایدی. بیرقتله عریضه‌ده پوهنتون آتی اورنی‌ده دانشگاه یازگن دیم. اوقیتووچی هیج قنده‌ی دلیل سورمسدن عریضه‌نی قیتریب یوباردی.

تورت ییل‌نی تبعیض‌لر، ستم‌لر، جبر و تحقیرلر و شکایت لر بیلن اوتکزدیم و حاضر فارغ بولگنیم اوچون خرسند من.

بو حقده هرات بیلیم یورتی ملازم‌لری‌نینگ فکرینی اورگنماقچی بولدیک اما اولر بیزبیلن صحبت قیلیش‌گه حاضر بولمه‌دیلر.