جمعه 1396 - ییل 24 - یاغیم|قوس / 2017 - دسمبر 15 گه توغری

هندولرنینگ دایمی خیرلشی؛ بیزنینگ ییرلریمیز غصب بولگن




 ١٥ یاغیم|قوس ١٣٩٦

 

خوست شهری‌نینگ بیر چیکه‌سیده مینه‌کلی ناملی بیر قیشلاقده بوندن آلدین اونلب هندو حیات کیچیره‌ردی، اما حاضر ییرلرینی زوروانلر غصب قیلگن.

خوست‌ هندولری‌نینگ ایتیشیچه، بو معما ییچیلیشی اوچون نیچه مرته محلی اداره‌لرگه باش اورگنلر؛ بیراق حاضرگه قدر بوحقده هیچ قنده‌ی بیر ایش بولمه‌گن. اولرنینگ ایتیشیچه، قولدن کیتگن ییرلری قیته آلینمه‌گن تقدیرده، دایمی شکلده خوستنی ترک قیلیشلری ممکن.

خوست ولایتی کینگشی‌نینگ اورین باسری قدیم افغان ولایتده‌گی هندولر ییرلری غصب بولگنی توغری دیگن، اما زوروانلر بیلن یوزمه‌یوز بولیش کوچیگه ایگه ایمسلر. اونینگ ایتیشیچه، کوپ زمانلردن بیری هندولر خوستده یشب کیلماقده ایدیلر و اولرگه قرشی غیر اسلامی و غیر انسانی عمل بولمس‌لیگی لازم.

بیراق ولایت والیسی‌نینگ سوزچیسی مبارز محمد زدران‌نینگ سلام‌وطندارگه ایتیشیچه، حاضرگه قدر هندولر ییرلری غصب بولگنی باره‌سیده اولرگه کیشی بیرنرسه دیمه‌گن. زدران‌نینگ ایتیشیچه نیچه پیت آلدین کوکت مندویسی هندولرنینگ ییریگه توزه‌تیلدی، اما محلی اداره بو قیینچی‌لیکنی تیزلیکده حل قیلدی.

هندولرگه کوره، نیچه ییل آلدین مینه‌کلی منطقه‌سیده اونلب هندو خانه‌دان حیات کیچره‌ر ایدی، اما حاضر بولر برچه‌سی باشقه نقطه‌لرگه بدرغه بولگنلر.