جمعه 1396 - ییل 24 - یاغیم|قوس / 2017 - دسمبر 15 گه توغری

طالبلر تینچ‌لیکنی قبول قیلیشی اوچون حکومت‌نینگ شرطی یوق




 ١٥ یاغیم|قوس ١٣٩٦

 

تینچ‌لیک عالی کینگشی‌نینگ رسمیلری، طالبلرنینگ تینچ‌لیکنی قبول قیلگن تقدیرده هیچ قنده‌ی شرط قویمه‌یدیلر و مذکور گروه ایسته‌گن روشده اولر بیلن مذاکره قیلینه‌دی دیگن. تینچ‌لیک عالی کینگشی‌نینگ رهبرلیک هیاتی‌گه کوره، افغانستان‌گه تینچ‌لیک کیلتیریلیشی اوچون پاکستاندن باشقه منطقه و دنیا اورتاق فکر بیلن کیلیشگن.

تینچ‌لیک عالی کینگشی‌نینگ باشلیغی کریم خلیلی‌نینگ ایتیشیچه، دولت‌گه قرشی قورال کوترگن گروه‌لر بیلن مذاکره قیلش اوچون تیارلر و بوباره‌ده تشقری و یورت ایچیده تلاش قیلگنلر.

جناب خلیلی اندونزیاگه قیلگن سفریده، بو مملکت حکومتی و یشاوچیلری افغانستان‌گه تینچ‌لیک کیلیش اوچون تیارگرلیکلرینی بیلدیردی دیدی.

تینچ‌لیک عالی کینگشی‌نینگ دبیرخانه باشلیغی محمداکرم خپلواک‌نینگ طالبلر و باشقه دولت‌گه قرشی اوروشه‌دیگن گروه‌لرگه قره‌ته، قورالی گروه‌لر هرقنده‌ی یولنی تنله‌گن بولسه‌لر، افغانستان حکومتی اولر بیلن مذاکره قیلیش‌گه حاضر دیگن.

بوندن آلدین مجلس‌ اعضالری، سیاست‌چیلر و مدنی فعاللر تینچ‌لیک عالی کینگشی‌نینگ عمللرینی قاره‌لب و بو کینگش ایشلری وقتنی اولدیریش و کیره‌ک‌سیز دیگن ایدیلر.