جمعه 1396 - ییل 24 - یاغیم|قوس / 2017 - دسمبر 15 گه توغری

سیاف: یمان بیر بحران یولده




 ١٦ یاغیم|قوس ١٣٩٦

 

دعوت اسلامی حزبی‌نینگ باشلیغی عبدالرب الرسول سیاف و سابق جهادی رهبرلردن بیری‌نینگ بوگون کابلده ییغین اوتکزیب ایتیشیچه، کیله‌سی پارلمانی سیلاو بولیب اوتمه‌گن تقدیرده، مملکت «یمان بیر بحران بیلن روپه‌ره بولیشی ممکن.» دیب آگاهلنتیرگن.

مذکور ییغینده جناب سیاف‌نینگ ایتیشیچه، اوشنده‌یکه رسمی شکلده سیلاو بولیب اوتیلیشی اعلام بولگن، اما حاضرگه قدر سیلاو بولیب اوتیشی اوچون هیچ قنده‌ی بیر ایش قیلینمه‌گن.

دعوت اسلامی حزبی‌نینگ رهبری ملی بیرلیک حکومتی‌نی اوز خودمچه لیککه عیبلب ایتیشیچه، رسمیلر اصلاحی لایحه‌لریگه توجه قیلمه گنلیکلری بیلن نظامنی بحراندن چیقاریش اوچون هیچ قنده‌ی بیر تلاش قیلمه‌گنلر.

عین دمده ایرکین سیلاو کمیسیونی‌نینگ رسمیلری پارلمانی سیلاو بولیب اوتیشی باره‌سیده تیار ایکن‌لیکلریدن سوز بیرگن. ایتیشلریچه، آواز بیریش مرکزلری انیقلنگن و امنیتی نهادلر بیلن اویغون‌‍‌‌لیکده امنیتی لایحه‌لرهم توزه‌تیلگن.

افغانستان ایرکین سیلاولر کمیسیونی 1397-ییل‌نینگ 16 سرطان کونی پارلمانی و تومنلر کینگشی سیلاو بولیب اوتیش تاریخی دیب تعیین قیلگن.