يک‌شنبه 1396 - ییل 1 - تیرکه‌م|دلو / 2018 - جنوری 21 گه توغری

مجلس‌ده برقی کیم‌لیک‌لرده افغان کلیمه‌سی جنجل‌لری دوام ایتماقده




 ١٣ موزلم|جدی ١٣٩٦

 

بوگون «چهارشنبه» نماینده‌لر کینگشی‌نینگ عمومی ییغینیده، برقی کیم‌لیک‌لرده افغان کلیمه‌سی کیریتیلیشی توغریسیده جمهور رییس تامانیدن صادر ایتیلگن تقنینی فرمان تصدیق‌لنیشی ینه بیر بار جنجل توغدیردی.

اوشبو فرمان نیچه کون آلدین نماینده‌لر کینگشی و سنامجلسی تامانیدن تعیین ایتیلگن قوشمه کمیته تامانیدن 4 اعضاسی‌نینگ غیبیده تصدیق‌لنگن.

مجلس‌نینگ بوگونکی عمومی ییغینیده، نماینده‌لردن بیرقطاری، قوشمه کمیته قرارینی قبول قیلمه‌ی ایتیشیچه، اساسی قانون‌نینگ 100- ماده‌سی اساسیده، مذکور کمیته‌نینگ قراری باطل دیر.

نماینده‌لر کینگشی و سنامجلسی تامانیدن تعیین ایتیلگن قوشمه کمیته اعضاسی عبدالقیوم سجادی‌نینگ ایتیشیچه، قوشمه کمیته اساسی قانون قاعده‌لرینی نظرگه آلمه‌گن و شونینگ‌دیک، تشکیل کامل بولمه‌گن.

جناب سجادی گه کوره، قانون اساسیده، مصوبه قره‌مه قرشی‌لیک‌لرنی رفع قیله آلمه‌گن صورتده، رد ایتیلیشی کیره‌ک.

قوشمه کمیته مصوبه‌سیگه قرشی نماینده‌لرنینگ ایتیشیچه، نماینده‌لر کینگشی باشلیغی حکومت تامانیدن باسقین‌گه آلینگن و نماینده‌لر کینگشی‌نینگ اعضالری برابریده ایکی تامانلمه حرکت قیله‌دی.

بیراق، نماینده لر کینگشی اعضالریدن باشقه بیرقطاری‌نینگ ایتیشیچه، بو موضوع یکونلنگن و مجلس مصوبه‌لری قیته کوریلیشی و آواز بیریلیشی‌گه احتیاج یوق دیر.

نماینده‌لر کینگشی اعضاسی میربدخان منگل‌نینگ ایتیشیچه، نماینده‌لر کینگشی و سنامجلسی تامانیدن تعیین ایتیلگن قوشمه کمیته‌لرده تصدیق‌لنگن قانونلردن کوپینچه‌سیده، کمیته اعضالری‌نینگ نصابی توله بولمه‌گن.

عین حالده، نماینده‌لر کینگشی باشلیغی عبدالرووف ابراهیمی‌نینگ ایتیشیچه، نماینده‌لر کینگشی اعضالری تامانیدن تکلیف ایتیلگن صورتده، نصاب تولگنیدن سونگ، برقی کیم‌لیک‌لر موضوعی قیته‌دن آواز آلیش‌گه قوییله‌دی.