شنبه 1396 - ییل 30 - موزلم|جدی / 2018 - جنوری 20 گه توغری

خیالی اوقووچیلر دولت یوقار مرتبه‌لی ملازملری‌نینگ یقینلری دیر




 ١٨ موزلم|جدی ١٣٩٦

 

بوگون دوشنبه نماینده‌لرکینگشی عالی اوقوو وزیری و اوشبو وزیرلیگی نینگ بیرقطار ملازملری بیلن خصوصی عالی اوقوو نهاد لرنینگ قینچیلیگی توغریسیده جواب بیریش اوچون مجلس‌گه چقیریلگن ایدی.

خصوصی عالی اوقوو بیلیم یورتیده قینچیلیگی بولگنینی تن آلگن عالی اوقوو وزیرلیگ‌نینگ مسؤوولری٬ خصوصی عالی اوقوو موسسه‌لری‌نینگ کمچیلیکلری نهایت کوپ بولگنینی اورغولیدی.

خصوصی عالی اوقوو بیلیم یورتلری‌نینگ اساسی قینچیلیگی خیالی اوقوچیلر دیب بیلگن، یوکسک اورگه نیش وزیرلگی خصوصی عالی اوقوو موسسه‌لری‌نینگ باشلیغی محمد امیرکامه وال نینگ ایتیشچه٬ کوپینچه خیالی اوقوچیلر حکومت نینگ بلندمرتبه‌لی ملازملری‌نینگ یقینلری٬ نماینده لرکینگشی واولرنینگ فرزند لری بولگن.

نماینده لرکینگشی اعضالریدن محمدنعیم لالی حمیدزی و ژمه ساپی عالی اوقوو وزیرلیگینی توجه سیزلیککه عیبلب٬ کوپینچه ملی کینگش اعضالری و حکومت نینگ بلندمرتبه‌‍لی ملازملری خصوصی بیلیم یورتلریدن اوقوودوره‌لرنی تاپشیرمسدن لسانس و ماسترلیک دیپلومه لرنی قولگه کیلتیره دیلر.

خیالی اوقووچیلرگه لسانس وماسترلیک دیپلوم بیریلشینی ناتوغری دیب بیلگن نماینده‌لرکینگشی‌نینگ اعضاسی وژمه ساپی عالی اوقوو موسسه‌لری بو قینیچیلیککه قرشی کوره شی لازم دیگن.

شونینگدیک عالی اوقوو وزیرلیگی نینگ رسمیلری٬ نماینده لرکینگشی ده اوشبو نهادلرگه اصلاحات کیلتیریش اوستیده جدی برنامه لری بارلیگی‌دن خبر بیریب و تیزلیکده بو نهاد نی قینچیلیگی هم حل بولیشینی ایتگنلر.