چهارشنبه 1396 - ییل 2 - حوت|کیسیم / 2018 - فبروری 21 گه توغری

اوزلریگه ایشانگن عیاللر دنیاسی




 ٢٤ تیرکه‌م|دلو ١٣٩٦

 

سونگی ییل‌لرده بیر قطاری تحصیل کورگن عیاللر کابل بازارلریده تورلی ایش‌لر بیلن مشغول بولگن‌لر. اوشبو عیاللردن بیری حمیده خاوری، حاضر کتاب دوکانی‌نینگ ایگه‌سی دیر. خاوری‌نینگ ایتیشیچه، عیاللر مالی ایرکین‌لیگی‌گه ایشانچی بولگنی باعث، آیاغی بو ییرگه‌قدر تارتیلگن.

ولنتاین یا-ده سیویشگن‌لر کونی یقین‌لشگنی‌ده حمیده خاوری دن مشتریلری‌نینگ سانی کوپ بوله‌دیمی دیب سوره‌دیم؟ خاوری قیغو و الم‌ده سلبی نشانه بیلن باشینی قیمیرده‌تیب و سونگ، سیمون دوبووارنینگ اوشبو سوزینی مین‌گه آچیقله‌دی: «کونلردن بیر کون عیال قدرت بیلن سیوگن صورتده، سیوماق اونگه اولیم خطری ایمس، بلکیم حیات بولاغی بولگن ایرکک کبی بوله‌دی.»

دوکاندارلردن باشقه بیری رقیه محسنی‌دن گزارش تیارله‌شیم اوچون اوندن صورت چیکیش و چیکمه‌سیم‌نی سوره‌دیم، عین دم‌ده ایجابی جواب بیریب و صورتی‌نی چیککنیم‌ده کولگوسی هم بیللی بولیشی‌نی بیلدیردی.

رقیه‌نینگ ایشانچی‌گه کوره، اوی بیکه‌سی بولگن بیر عیال بیلن تشقریده ایشله‌یدیگن عیال‌نینگ تعریفی جهاندن بوتونله‌ی فرقلی دیر. او، بونی اوزی تشقریگه آیاق قویگن بیرچاغده بیلگن.

حمیده خاوری، رقیه محسنی، آناهیتا و شونینگ‌دیک، اوزلریگه ایش تاپیب و تشقریده ایش قیله‌دیگن باشقه عیاللر، اوزلرینی عایله ایرکک‌لریگه بولگن مالی باغلیق‌لریدن قوتقرگن‌لر و اولرنینگ ایشانچ‌لریگه کوره، عیاللر اوزلریگه ایشانگن صورتده، اولر اوچون مالی اوز باشیمچه‌لیک قیین ایمس دیر.

بیراق، افغانستان بازارلری ایرکک‌لی بولگنی باعث، عیاللر حاضرگه‌قدر ایرکک‌لردن حمایه کوته‌دی. شو یوزه‌دن، اوشبو مسئله‌نی یخشی سیزگن ایرکک‌لر، یخشی بیر شکلده حقیقت‌لر بیلن یانده‌شه‌دیلر.

دوکاندارلردن بیری محمد جعفری‌نینگ ایشانچی‌گه کوره، ایرکک‌لرگه عیاللرنینگ مالی باغلیق‌لیگی نه فقط تورموش قوریشی‌دن آلدین، بلکیم تورموش قورگن‌لریدن سونگ هم، اولر اوچون قیین بوله‌دی. اجتماع‌ده ایش و درامد ایرکک‌لرگه باغلیق بوله‌دی و عیاللر هم مالی نقطه‌ای نظردن اوز باشیمچه بولیش‌گه حقلی دیر.