چهارشنبه 1396 - ییل 2 - حوت|کیسیم / 2018 - فبروری 21 گه توغری

لوگر ولایتیده ناتینچلیک‌لر باعث، اونلرچه عیال ایش‌لرینی ترک قیلگن




 ٢٤ تیرکه‌م|دلو ١٣٩٦

 

لوگر ولایتی‌ده سابق دولت و نادولت اداره‌لرده ایش قیله‌دیگن عیاللردن بیرقطاری‌نینگ ایتیشیچه، موجود ناتینچلیک‌لر باعث، وظیفه‌لرینی ترک قیلگن‌لر.

مروه و مریم ناملی ایکی عیال بیری دولت تشکیلاتی‌ده 7 ییل فعالیت قیلیب و باشقه بیری چیت ایللیک بیر مؤسسه‌ده ایش قیلگن، بیراق حاضر ایکاوی هم وظیفه‌لریدن وازکیچگن‌لر.

اوشبو عیاللر قیته‌دن ایش‌گه باشلش‌لری اوچون حکومت‌دن امنیت تأمین ایتیلیشی‌نی سوره‌یدیلر.

عین حالده، لوگر ولایتی‌نینگ عیاللر ایشلری بوییچه ریاست باشلیغی شیما زرگرنینگ ایتیشیچه، ناتینچلیک‌لر یانیده، عایله ایچیده ناتوغری رسم و رواجلر باعث، عیاللر تشقریده ایش قیله آلمه‌یدیلر.

خانم زرگرگه کوره، اوشبو ولایتده ایشلاوچی عیاللر و عایله‌لر آره‌سیده‌گی قیین‌چیلیک‌نی حل ایتیش‌ده مدنی جماعه‌چیلیک اره‌لشی ایجابی نتیجه بیرگن. شو یوزه‌دن، دولت و نادولت اداره‌لرده فعالیت قیله‌دیگن عیاللر سانی آز ایمس دیر.

سلام‌وطندارگه صحبت بیرگن لوگر حاکمی سوزلاوچیسی سلیم صالح‌نینگ ایتیشیچه، یالغیز قویاش جاری آیده 11 عیال دولت و نادولت اداره‌لرده ایش‌گه تعیین ایتیلگن.