چهارشنبه 1396 - ییل 2 - حوت|کیسیم / 2018 - فبروری 21 گه توغری

رادیو حاضرگه‌قدر اقتدارلی دیر




 ٢٤ تیرکه‌م|دلو ١٣٩٦

 

بوگون 13- فبروری، یونسکو تامانیدن «رادیو خلق ارا کونی» صفتیده تعیین ایتیلگن. کوپینچه مملکت‌لرده رادیو حاضرگه‌قدر ایشیتووچی‌لرینی سقله‌گن و بو کوندن هر ییل نشانلنه‌دی. بیراق افغانستانده کوپینچه عایله و انسانلر رادیو آرقه‌لی اوزلرینی دنیاگه باغله‌یدیلر، لیکن بو کوندن ایسلنمه‌یدی.

افغانستانده رادیو بیرینچی مرته شاه امان‌الله خان زمانیده نشرات گه باشله‌دی. او زمانده یالغیز بیر رادیو مملکت‌ده فعالیت قیلردی، بیراق حاضر مملکت بویلب 200 دن آرتیق رادیو فعالیت قیله‌دی.

مملکت‌ده رادیو فعالیت‌گه باشله‌گنی‌دن کمیده بیر عصر اوتماقده، لیکن طالبان گروهی رادیو ایشیتماق اوچون چیکلاو تعیین قیلگن و بو موضوع سبب، یشاوچی‌لر رادیولری بیلن پس کوته‌لرگه کیته‌دیلر. سونگی ییل‌لرده قول تلیفونی رواجلنگنی باعث، اهالی رادیو کوترمه‌یدی، اولر قول تلیفونلریگه قولاقلیک باغلب ایسته‌گن برنامه‌لرینی قولی‌لیک‌ده ایشیته‌دیلر. عین حالده، رادیو حاضرگه‌قدر مملکت‌ده اقتدارلی دیر.

رادیو خلق ارا کونی‌نی بهانه قیلیب شهرگه تامان یول آلدیم و رادیو ایشیته‌دیگن‌لردن رادیو توغریسیده سوره‌دیم و بو آره‌ده هیداوچی‌لرنینگ رادیولرینی سیسی فرق‌سیز شکلده یوقاری دیر.

هیداوچی‌لردن بیری محمدآغانینگ ایتیشیچه، کوپ ییل‌لردن بویان باشکینت‌ده تاکسی هیده‌یدی و شونچه مدت‌ده هر کون موسیقه، خبر و سیاسی برنامه‌لرنی رادیو آرقه‌لی ایشیته‌دی.

اوشبو ماجرانی باشقه قسمی‌ده افغانستان ایرکین میدیالریدن حمایه قیلووچی تشکیلات (نی) دفتری اجراییه باشلیغی مجیب خلوتگرنینگ سوزلرینی ایشیتدیم. خلوتگرنینگ ایتیشیچه، ناتینچلیک و مالی حمایه یوقلیگی باعث، سونگی اوچ-تورت ییل‌ده 15 دن آرتیق رادیو فعالیت‌دن قالگن و باشقه نیچه رادیو اوت‌گه تارتیلگن.